Aıaldamadaǵy jol apaty: Qaıtys bolǵan qyzylordalyqtardyń otbasyna kómek kórsetiledi

NUR-SULTAN. QazAqparat – Qyzylordada avtobýs aıaldamasynda kólik qaǵyp ketip kóz jumǵandardyń otbasylaryna kómek kórsetiledi. Bul týraly OKQ-da ótken baspasóz máslıhatynda aımaq basshysy Qýanyshbek Ysqaqov málim etti, dep habarlaıdy QazAqparat tilshisi.

Uqsas jańalyqtar

ShQO-da jol apatynan 1 adam kóz jumyp, 4 adam jaraqat aldy

Aqmola oblysynda Túrkııa azamaty kóligimen lokomotıvke soǵyldy Túrkistan oblysynda qarly borannan joldar jabylyp, kóktaıǵaqtan kólikter soqtyǵysty Almatyda jol apatynan eki kishkentaı bala jaraqat aldy

«Biz Nur-Sultanǵa ushyp bara jatqan kezde osyndaı qaıǵyly oqıǵa tirkeldi. Kólik tizginine ıe bola almaǵan júrgizýshi aıaldamaǵa soǵylyp, sonda turǵan bes adamdy qaǵyp ketti. Oqıǵa ornynda úsh adam qaıtys bolyp, bir adam aýrýhanada jan tapsyrdy. Men óz atymnan kóńil aıtyp, jaǵdaıyn bilip qaıtý úshin orynbasarlarym men ákim apparatynyń basshysyn jiberdim. Biz týystaryna mindetti túrde materıaldyq kómek kórsetemiz. Qıyn jaǵdaıda adamdar bir-birine qol ushyn sozýy kerek», - dedi Qýanyshbek Ysqaqov OKQ-da ótken baspasóz máslıhatynda.

Onyń aıtýynsha, apatqa kináli júrgizýshige qatysty quqyq qorǵaý organdary is júrgizip jatyr.

Esterińizge sala ketelik, jol apaty keshe saǵat 09.15 shamasynda Nazarbaev dańǵyly boıynda bolǵan. «Toıota Kamrı» markaly avtokóligi «Mercedes-Benz» kóligin sol qaptalynan kelip soqqan. Saldarynan «Toıota Kamrı» júrgizýshisi kóliginiń tizginine ıe bola almaı, avtobýs aıaldamasynda turǵan adamdardy basyp ketken.

Oqıǵadan zardap shekken 10 jasar bala men 31 jastaǵy áıel balalar jáne qalalyq aýrýhananyń jansaqtaý bólimine jatqyzyldy. Qyzylorda oblystyq Densaýlyq saqtaý basqarmasynyń bas mamany Aıbek Myrzaǵulov ekeýiniń de jaǵdaıy óte aýyr ekenin aıtqan bolatyn bolatyn.

Kóz jumǵan úsh oqýshy da Qyzylorda qalasyndaǵy №12 orta mektepte bilim alǵan. Nurıslam Zaýrbek pen Nurdáýlet Kenjebaı atalǵan mekteptiń besinshi synybynda oqysa, Káýsar Zaýyrbek úshinshi synypta oqyǵan.

Keıin jol-kólik oqıǵasy kezinde zardap shekken taǵy bir adamnyń kóz jumǵany habarlandy.