+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Shveıtsarııalyq ınvestorlarǵa jan-jaqty járdem berýge daıynbyz – Memleket basshysy

2019 jylǵy 22 qarasha 15:09
Bólisińiz:
Shveıtsarııalyq ınvestorlarǵa jan-jaqty járdem berýge daıynbyz – Memleket basshysy

NUR-SULTAN. QazAqparat - Qazaqstan shveıtsarııalyq ınvestorlarǵa jan-jaqty járdem berýge daıyn. Bul týraly búgin Aqordada Shveıtsarııa Konfederatsııasynyń Prezıdenti Ýlı Maýrermen kelissózderden keıingi birlesken málimdeme barysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

Uqsas jańalyqtar

«Búgin biz Qazaqstan naryǵynda jumys isteýge qyzyǵýshylyq tanytyp otyrǵan shveıtsarııalyq iri kompanııalar basshylarynyń aqparattaryn tyńdadyq. Maýrer myrzamen bizdiń tarapymyzdan olardyń munan ary Qazaqstanda jumys isteýi úshin barlyq qajetti jaǵdaılar jasalatyndyǵy týraly kelistik. Ótken jyldyń qorytyndysynda ózara taýar aınalymy 3 mlrd dollardan asyp jyǵyldy. Buǵan qosa, kelissózder barysynda taýar aınalymy qurylymynda shıkizattyq emes komponenterdi keńeıtý paıdasyna ártaraptandyrý boıynsha jumysty jandandyrý qajettigi týraly pikirge keldik. Bul ınvestıtsııalyq yntymaqtastyqqa qatysty. Bizge jańa joǵary tehnologııalyq zákirlik jobalar qajet», - dedi Memleket basshysy.

Qasym-Jomart Toqaev Qazaqstanda ınnovatsııalyq óndiris qurýǵa, joǵary tehnologııa, energetıka, aýyl sharýashylyǵy, medıtsına, farmatsevtıka salalaryndaǵy jobalardy júzege asyrýǵa úlken suranys bar ekendigin aıtty. Mashına jasaý, hımııa, tamaq ónerkásibi, kólik pen logıstıka, týrızm, qorshaǵan ortany qorǵaý salalaryndaǵy birlesken jobalardy júzege asyrýdyń keleshegi zor ekendigine nazar aýdartty.

«Shveıtsarııanyń negizgi qarjylyq ortalyqtardyń biri retindegi mártebesin eskere bolsaq, qarjylyq qyzmet salasyndaǵy yntymaqtastyqtyń keleshegi zor. Osyǵan oraı biz «Astana« halyqaralyq qarjy ortalyǵynyń Shveıtsarııanyń qarjy sektorymen ózara is-qımylynyń keleshegi zor ekendigin atap óttik. Eýrazııalyq ekonomıkalyq odaqqa múshelik, alyp naryǵy bar Qytaımen kórshilestik jáne Ortalyq Azııanyń keleshegi bar naryqtaryna shyǵý múmkindigi barlyq ýaqytta da Qazaqstannyń ekonomıkalyq tartymdylyǵynyń mańyzdy faktory bolyp keldi. Biz shveıtsarııalyq ınvestorlarǵa irgeles naryqtarǵa sońǵy ónimdi eksporttaýǵa múmkindik beretin Qazaqstanda birlesken óndiris oshaǵyn ashý boıynsha qyzyǵýshylyq tanytqan jobalaryna jan-jaqty járdem berýge daıynbyz», - dedi Qazaqstan Prezıdenti.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT