Qazaqstan men Shveıtsarııa Prezıdentteri qandaı máseleler qozǵady

NUR-SULTAN. QazAqparat –Qazaqstan úshin Shveıtsarııa saıası turǵyda Eýropadaǵy óte mańyzdy seriktes. Bul týraly búgin Aqordada elimizge resmı saparmen kelgen Shveıtsarııa Konfederatsııasynyń Prezıdenti Ýlı Maýrermen kelissózderden keıingi birlesken málimdeme barysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

Uqsas jańalyqtar

Qasym-Jomart Toqaev: Zańǵa sáıkes Úkimet otstavkaǵa ketýi tıis

Parlamentte halqymyzdyń taǵdyry týraly keń aýqymdy pikirtalas bolýy kerek – Prezıdent

«Eń aldymen, Shveıtsarııa Konfederatsııasynyń Prezıdenti Ýlı Maýrerge Qazaqstanǵa resmı saparmen kelgeni úshin shynaıy rızashylyǵymdy bildiremin. Maýrer myrza buǵan deıin bizdiń elimizge Qarjy mınıstri kezinde birneshe ret kelgen bolatyn. Endi Prezıdent retinde alǵash ret kelip otyr. Biz Ýlı Maýrer myrzanyń Qazaqstan men Shveıtsarııa arasyndaǵy yntymaqtastyqty nyǵaıtýǵa qosqan úlesin joǵary baǵalaımyz», - dedi Memleket basshysy.

Qasym-Jomart Toqaev búgin Shveıtsarııa basshysymen keń aýqymdy ári mazmundy kelissózder júrgizgenin jetkizdi. Kezdesý ózara senim jáne túsinistik rýhynda ótti.

«Biz Qazaqstan men Shveıtsarııanyń mol múmkindikterin paıdalanyp, seriktestikti odan ary nyǵaıtýǵa múddelimiz. Búgingi júzdesý sonyń jarqyn dáleli. Ózara yntymaqtastyqty damytý dostas halyqtarymyzdyń uzaq merzimdi maqsattaryna saı keledi dep senemin. Saıası turǵyda Qazaqstan úshin Shveıtsarııa Eýropadaǵy óte mańyzdy seriktes», - dedi Q.Toqaev.

Memleket basshysy qazirgi tańda eki eldiń joǵary deńgeıdegi baılanystary tabysty damyp kele jatqanyn aıryqsha atap ótti.

«Bul oraıda Ýlı Maýrermen oıymyz bir jerden shyqty. Sonymen qatar kezdesý kezinde aldaǵy birlesken jumystardyń negizgi baǵyttaryn aıqyndadyq»,- dedi QR Prezıdenti.