+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Dopıng úshin sportshylar men jattyqtyrýshylardy qandaı jaza kútip tur

2019 jylǵy 21 qarasha 13:56
Bólisińiz:
Dopıng úshin sportshylar men jattyqtyrýshylardy qandaı jaza kútip tur

NUR-SULTAN. QazAqparat - Parlamenti Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine dene shynyqtyrý jáne sport máseleleri boıynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaıdy QazAqparat tilshisi.

Zań jobasy dopıngke qarsy erejelerdi buzǵany úshin jaýapkershilikti qatańdatýǵa, Ulttyq dopıngke qarsy uıymnyń mártebesin kúsheıtýge baǵyttalǵan.

«Qoldanystaǵy zańnamaǵa dopıngke qarsy erejelerdi buzǵany úshin jaýapkershilikti qatańdatý boıynsha ózgerister men tolyqtyrýlar engizý, atap aıtqanda sportshyǵa dopıng taǵaıyndaǵan adamdarǵa qatysty ákimshilik jaýapkershilikti engizý qajettiligi týyndady. Ol 200 aılyq eseptik kórsetkish mólsherinde aıyppul túrinde jazany kózdeıdi», - dedi QR Mádenıet jáne sport mınıstri Aqtoty Raıymqulova Senatta.

Sonymen qatar, dopıngti paıdalanǵany úshin zań jobasynda dıskvalıfıkatsııa normasy, sportshynyń sporttyq nátıjesin joıý jáne biliktilik upaılaryn nemese baldaryn alyp tastaý, aqshalaı kótermeleýdi qaıtarý, sportshylar men jattyqtyrýshylarǵa ómir boıy aı saıynǵy materıaldyq qamsyzdandyrýdy tóleýdi toqtatý eskerilgen.

Budan bólek, sportshylarǵa, jattyqtyrýshylarǵa jáne klýb komandalarynyń basshylaryna aı saıynǵy qarjylaı kómekti toqtatý, sporttyq ataǵynan aıyrý, Olımpıada, Paralımpıada jáne Sýrdlımpıada oıyndarynyń chempıony jáne júldegeri turǵyn úıdi paıdalaný shartyn buzý, sport túrleri boıynsha Qazaqstan Respýblıkasynyń jáne shtattyq komandalarynyń quramdarynan sportshylardy, jattyqtyrýshylardy shyǵarý qarastyrylǵan.

Budan buryn habarlanǵandaı, 2013 jyldan bastap jumys isteý kezeńinde qazaqstandyq sportshylardyń dopıngti qoldanýynyń 307 oqıǵasy anyqtaldy.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT