+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Almaty oblysynyń aýmaǵynda mal jáne et ónimderin tasymaldaýǵa baqylaý kúsheıtildi

2019 jylǵy 14 qarasha 12:02
Bólisińiz:
Almaty oblysynyń aýmaǵynda mal jáne et ónimderin tasymaldaýǵa baqylaý kúsheıtildi

TALDYQORǴAN.QazAqparat -  «Mal urlyǵy» jedel aldyn alý is-sharasy barysynda Almaty oblysynyń tártip saqshylary mal jáne et ónimderin tasymaldaýǵa, olardy saýdalaýǵa qajetti qujattardy qatań tekserýge aldy, dep habarlaıdy QazAqparat tilshisi.

Іs-sharanyń basty maqsaty mal urlyǵynyń aldyn alý, buǵan deıin oryn alǵan urlyqtardy ashý. Osy maqsatta oblystyq jáne respýblıkalyq joldar boıynda arnaıy blok-posttar qoıylyp, kólikterdiń mal tasymaldaýǵa qajetti qujattaryn tekserýde.

«Bir kún ishinde mal jáne et ónimderin tasymaldaýshy 80-ge jýyq kólik tekserilip, 17 júrgizýshiniń tıisti qujattary joq ekeni anyqtaldy. Sonymen qatar, 25 mal satý orny men 30-dan astam et ónimderiniń dúkeni tekserildi»,- dep málimdedi oblystyq PD baspasóz qyzmetinen.

Arnaıy shara barysynda buǵan deıin bolǵan 16 qylmys ashylǵan. Onyń 4 deregi burynǵy jyldar sanatyna jatady. Mal urlyǵyna qatysy bar degen kúdikke ilingen 3 qylmystyq toptyń músheleri quryqtalǵan. «Almaty oblysynyń tártip saqshylary 10 aı ishinde qajetti qujattar joq bolsa da mal tasymaldaýdyń 656 deregin anyqtaǵan. Júrgizýshilerge 8 mıllıon 92 myń teńgeniń aıyppuly salyndy. Bıyl reıd kezinde Eńbekshiqazaq aýdanynda mal urlyǵyn kásip qylǵan qylmystyq top ustalyp, barymtashylar tobynan 40 jylqy tárkilengen»,- dep tolyqtyrdy oblystyq polıtseıler.

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT