+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Bıyl mas kúıde kólik júrgizgen 22 myńnan astam júrgizýshi anyqtaldy

2019 jylǵy 6 qarasha 09:39
Bólisińiz:
Bıyl mas kúıde kólik júrgizgen 22 myńnan astam júrgizýshi anyqtaldy

NUR-SULTAN. QazAqparat – Polıtsııa mas kúıinde kólik júrgizgen 22 myńnan astam júrgizýshini anyqtady, dep habarlaıdy QazAqparat QR ІІM baspasóz qyzmetine silteme jasap.

Uqsas jańalyqtar
Jambylda qujaty joq mas júrgizýshi polıtseılerden qashyp qutylmaq boldy Kólik júrgizý kýáligi joq SQO turǵyny mas kúıinde adam qaǵyp ketti Túrkistanda mas kúıinde kólik júrgizgen 7 adam jaýapqa tartyldy

«Jol qozǵalysynyń qaýipsizdigin jáne joldarda kúndelikti patrýldeýdi qamtamasyz etý boıynsha jumystyń nátıjesinde kóptegen JKO-ǵa jol berilmedi. Jyl basynan beri polıtsııa qyzmetkerleri mas kúıde kólik júrgizgen 22 myńnan astam júrgizýshine anyqtady. Olardyń 17 myńnan astamy avtokólikti basqarý quqyǵynan aıyrý túrindegi ákimshilik jaýapkershilikke tartyldy. Júrgizýshilik quqyǵynan aıyrylǵan ári mas kúıde bolǵan 1 878 adam qylmystyq jaýapkershilikke tartyldy», delingen habarlamada.

Bıylǵy 9 aıda mas júrgizýshiler 342 jol-kólik oqıǵasyn jasaǵan, olarda 64 adam qaza taýyp, 493 adam jaraqat alǵan.

«Mas kúıinde kólik basqarǵan jaýapsyz júrgizýshiler kinásinen joldarda adamdar qaza taýyp jatyr. Olardy aqtap alý múmkin emes. Sondyqtan osyndaı zań buzýshylyqtar men qylmystar úshin olardyń saldarlarynyń aýyrlyǵyna teń keletin jaza bolýy tıis», - dedi ІІM qyzmet basshylarymen keńes ótkizgen mınıstr Erlan Tuǵymbaev.

Statıstıka kórsetip otyrǵandaı, qoldanystaǵy ákimshilik jazalar júrgizýshilerdiń tártibine qajetti deńgeıde áser etpeıtinin jáne JKO sanynyń tómendemeı otyrǵanyn baıqatady.

«Mas kúıde kólik júrgizgeni úshin jazany qatańdatý barlyq jol qozǵalysyna qatysýshylardyń, júrgizýshilerdiń de, jolaýshylardyń da, sondaı-aq jaıaý júrginshilerdiń de qaýipsizdigin qamtamasyz etýge múmkindik beredi.

Qazirgi ýaqytta múddeli memlekettik organdarmen, depýtattyq korpýspen, jurtshylyqpen kelisiletin tıisti usynystar daıyndalýda», delingen habarlamada.

Eske sala ketsek, QR Prezıdenti Qasym-Jomart Toqaev elimizdiń joldaryndaǵy jaǵdaıdyń alańdaýshylyq týdyratynyn atap ótti jáne mas kúıde avtokólik júrgizgeni úshin jazany qatańdatý qajettiligine erekshe nazar aýdardy. Memleket basshysynyń tapsyrmasyna sáıkes Іshki ister mınıstrligi osyndaı quqyq buzýshylyqtar úshin qylmystyq jáne ákimshilik jaýapkershilikti kúsheıtý jóninde usynystarmen bastama kóterdi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT