+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Asqar Mamın Aýǵanstan Premer-Mınıstrimen kezdesti

2019 jylǵy 1 qarasha 18:12
Bólisińiz:
Asqar Mamın Aýǵanstan Premer-Mınıstrimen kezdesti

TAShKENT. QazAqparat - QR Premer-Mınıstri Asqar Mamın Shanhaı Yntymaqtastyq Uıymyna (ShYU) múshe memleketterdiń Úkimet basshylary keńesiniń (ÚBK) otyrysyna qatysý úshin Tashkent qalasyna jasaǵan sapary aıasynda Aýǵanstan Premer-Mınıstri Abdýlla Abdýllamen ekijaqty kezdesý ótkizdi, dep habarlaıdy QazAqparat Úkimet basshysynyń resmı saıtyna silteme jasap.

«Biz Aýǵanstanmen ózara tıimdi yntymaqtastyqty nyǵaıtýǵa jáne arttyrýǵa erekshe kóńil bólemiz. Buǵan kóp jyldar boıy jalǵasyp kele jatqan ekijaqty saıası dıalogtyń joǵary deńgeıi dálel bola alady», — dedi A. Mamın.

Kelissózder barysynda QR-nyń AIR-men saýda-ekonomıkalyq jáne ınvestıtsııalyq yntymaqtastyǵy, qazaqstandyq bıznestiń Aýǵanstannyń energetıka, qurylys, aýyl sharýashylyǵy, taý-ken óndirisi jáne munaı-gaz ónerkásibi, kólik salasyn damytýǵa qatysýy máseleleri qaraldy.

A. Abdýlla Qazaqstanǵa kórsetken gýmanıtarlyq jáne basqa da kómekteri, onyń ishinde AIR damytý boıynsha Resmı kómek jelisi boıynsha jáne qazaqstandyq joǵary oqý oryndarynda, orta arnaıy jáne kásiptik oqytý mekemelerinde aýǵanstandyq mamandardy daıarlaýdaǵy kómegi úshin alǵysyn bildirdi.

Taraptar ekijaqty jáne óńirlik yntymaqtastyqtyń ózekti máseleleri boıynsha dıalogty damytý týraly kelisimge keldi.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT