+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

QMDB-nyń qarjy qyzmetiniń ashyqtyǵyn qamtamasyz etý qajet – Abaev

2019 jylǵy 23 qazan 19:48
Bólisińiz:
QMDB-nyń qarjy qyzmetiniń ashyqtyǵyn qamtamasyz etý qajet – Abaev

NUR-SULTAN. QazAqparat – Búgin elordada ótken ІІІ respýblıkalyq ımamdar forýmynda Aqparat jáne qoǵamdyq damý mınıstri Dáýren Abaev ımamdardyń jańa obrazyn qalyptastyrý máselesin kóterdi, dep habarlaıdy QazAqparat tilshisi.

Uqsas jańalyqtar
Fermerlerdiń narazylyǵyn kórsetken BAQ máseleniń sheshilgenin aıtpady – Abaev Aqparat mınıstri qazaqstandyqtardyń kólik júrgizý mádenıeti týraly aıtty Reseı men Ýkraına shıelenisi Qazaqstanǵa tıimsiz – Dáýren Abaev

«Dinı basqarma qyzmetshileriniń joǵary bilimi men biliktigin arttyrǵan abzal. Memleket ımamdarǵa qoldaý kórsetý úshin jyl saıyn Dinı basqarmanyń qyzmetshilerin oqytyp keledi. Meshit ımamdarynyń tapshylyǵyn sheshý maqsatynda biz «Nur-Múbarak» Mysyr ıslam mádenıeti ýnıversıtetine «Islamtaný» mamandyǵy boıynsha memleket tarapynan granttardyń bólinýine kómek kórsetýdemiz. Osy jerde taǵy bir mańyzdy másele bar. Jasyratyny joq, halyq arasynda keıde moldalar jumysyna kóńil tolmaýshylyq aıtylady. El ımamdardy Quran oqyp, janaza shyǵarýmen qosa, basqa da úlken isterdiń aınalasynda kórgisi keletindigin bildirip jatady. Sondyqtan, Dinı basqarma ımamdardyń jańa obrazyn qalyptastyrýy kerek dep sanaımyn», - dedi Dáýren Abaev.

Mınıstrdiń aıtýynsha, halyq ımamdardy jaqsylyq isterge jumyldyratyn, qaıyrymdylyq sharalaryna muryndyq bolatyn, qýanyshy men qaıǵysyn bólisetin, qaıyrly iske úndeıtin sıpatta tanyǵany jón.

«Sebebi istiń – sózge qaraǵanda áseri kúshtirek. Sondaı-aq, Dinı basqarmanyń áleýmettik jeliler men BAQ betterindegi aǵartýshylyq jumystaryn kúsheıtý kerek. Sonymen birge, Dinı basqarmanyń tikeleı qyzmetine qatysty jeke azamattardyń suraqtaryn ashyq ári jyldam sheshý maqsatynda Múftıdiń «Vırtýaldy qabyldaý bólimin» ashýdy usynamyn. Bul azamattarǵa ártúrli destrýktıvti kózderden teris málimet emes, Dinı basqarmadan tekserilgen, durys aqparat alýyna múmkindik beredi. Bul bastamany júzege asyrýǵa Mınıstrlik tarapynan járdem kórsete alamyz. Jáne buǵan deıin kezdesýlerimizdiń birinde ózderińizge din taqyrybynda televızııalyq baǵdarlama ashý jóninde ýáde bergen edik, sol ýádemizdi oryndap, qazir «Qazaqstan», «Habar» arnalarynan «Iman ózegi», «Relıgııa segodnıa» habarlary shyǵýda», - dedi ol.

Dáýren Abaev sóz sońynda QMDB qarjy qyzmetiniń ashyqtyǵyn qamtamasyz etý qajettigin atap ótti.

«Búginde bul maqsatta meshitterge azamattardyń qaıyrymdylyǵyn qabyldaýǵa arnalǵan elektrondyq termınaldardy qoıý jumystary bastaldy. Osy jumystardy basynda iri qalalardyń meshitterinde, keıinnen barlyq oblystyq, aýdan ortalyqtarynda jalǵastyrý qajet. Bul tásil halyq aldynda Dinı basqarmanyń qarjy-sharýashylyq qyzmetiniń ashyqtyǵy men jarııalylyǵyna senim týdyryp, bedeliniń artýyna múmkindik jasaıdy dep esepteımin», - dedi mınıstr.

Aıta ketsek, búgin elordada 500 ımamnyń qatysýymen ІІІ respýblıkalyq ımamdar forýmy ótti. Prezıdent Qasym-Jomart Toqaev forým qatysýshylaryna quttyqtaý hatyn joldady.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT