«Qazaqfılm» jýyrda birneshe qyzyqty fılm shyǵarmaq

ALMATY. QazAqparat – Sh. Aımanov atyndaǵy «Qazaqfılm» AQ jýyrda kınosúıer qaýymdy birneshe kórkem jáne derekti fılmmen qýantpaq, dep habarlaıdy QazAqparat tilshisi.

Jurt taǵatsyzdana kútip júrgen kórkem fılmderdiń biri – Sháken Aımanovtyń 1957 jyly shyqqan «Bizdiń súıikti dáriger» mýzykalyq komedııasynyń ekinshi bólimi. Jańa kartınanyń rejısseri - Asqar Bısembın. Fılm shamamen 2021 jyldyń kókteminde prokatqa shyǵady.

2020 jyldyń aıaǵynda rejısser Satybaldy Narymbetovtiń «Uzaq jańǵyryq» kórkem fılmi kórermenge jol tartady. Kartınada polıak jazýshysy, Qazaqstanǵa jer aýdarylǵan tóńkerisshi, dalanyń etnografııalyq qundylyqtaryn jınaǵan Adolf ıAnýshkevıchtiń taǵdyry sóz bolady.

Qazir kınostýdııada rejısser Bolat Qalymbetovtiń «Muqaǵalı» fılmi túsirilip jatyr. Fılm qazaqtyń aqıyq aqyny Muqaǵalı Maqataevtyń bultarys-qaltarysqa toly taǵdyryna, shyǵarmashylyǵyna arnalǵan. Fılm keler jyldyń aıaǵyna qaraı úlken ekranǵa shyǵady.

Bıyl qysqa qaraı eki derekti fılm kórermenge jol tartady. A. Kamenskııdiń «Nurken Ábdirov. Máńgilik ómir shyńyna» derekti fılminde mıllıondaǵan adam qatysqan soǵys arqyly adam taǵdyry sýretteledi. Fılmniń bas keıipkeri – erlik pen batyldyqtyń sımvolyna aınalǵan qaharman batyr Nurken Ábdirov.

B. Qaıyrbekovtiń «Kereı jylqysy» qazaq halqynyń qanaty – jylqyǵa arnalady.

Aıta keteıik, 27 qyrkúıekten bastap QR Mádenıet jáne sport mınıstrliginiń tapsyrysymen «Qazaqfılm» kınostýdııasy Sataifilm kompanııasymen birge túsirgen «Tomırıs» fılmi kórsetilip jatyr.

Avtory Elaman Turysbekov