Elordadaǵy jármeńke: Aqmolalyqtar 500 tonnadan astam ónim jetkizdi

NUR-SULTAN. QazAqparat - Nur-Sultan qalasynda Aqmola oblysynyń aýyl sharýashylyǵy taýar óndirýshileriniń jármeńkesi ótip jatyr, dep habarlaıdy QazAqparat tilshisi

Uqsas jańalyqtar

Almatyda demalys kúnderi azyq-túlik jármeńkesi ótedi

«Búgingi aýa-raıynyń qolaısyzdyǵyna qaramastan Aqomola oblysynyń jármeńkesine astanalyqtar erte jınalyp jatyr. Bul bizdiń qýantady. Aýyl sharýashylyǵy jármeńkesine 200 mln teńgeden astam somany quraıtyn 500 tonnadan astam ónim ákelindi. Onyń ishinde 80 tonna et, 28 tonnadan astam sút jáne sút ónimderi, 4 tonnadan astam balyq, 20 tonna un, 41,3 tonna kókónis jáne ózge de aýyl sharýashylyq ónimderi jetkizildi. Sondaı-aq, baqsha aǵashynyń kóshetteri jetkizildi», - dedi Aqomola oblysynyń ákimi Ermek Myrjyqpaev jármeńkede.

Ákimniń aıtýynsha, jármeńkede 50-den astam azyq-túlik túrin bazar naryǵynan 10-15 paıyz tómen baǵada satylýda.

Uıymdastyrýshylardyń málimetinshe, jármeńkege Aqmola oblysynyń 2 qala men 17 aýdandaǵy kásiporyndar óz ónimderin usynyp jatyr. Olardyń arasynda «Gormolzavod» JShS, «Sadovoe» JShS, «Nátıje» JShS, «Rodına» agrofırmasy» JShS, «Ijevskıı» óndiristik kooperatıvi» JShS, «Bıjan» et óńdeý kásiporyn» JShS, «Krasnoıar shujyǵy» JShS, «Aıbat» JShS, «Makınsk qus fabrıkasy» JShS, «Kapıtal Prodjekt» JShS bar.

Eki kúnge sozylatyn aýyl sharýashylyq ónimderi jármeńkesi elordadaǵy «Han Shatyr» oıyn-saýyq alańynda ótip jatyr.