+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Kásipkerlerden aqsha jınaǵan qostanaılyq sheneýniktiń qyzmeti tómendetildi

2019 jylǵy 18 qazan 11:29
Bólisińiz:
Kásipkerlerden aqsha jınaǵan qostanaılyq sheneýniktiń qyzmeti tómendetildi

QOSTANAI. QazAqparat – Qostanaıda qoǵamdyq qorǵa kásipkerlerden aqsha jınaǵan sheneýnik óz qyzmetine saı emes. Mundaı sheshim Ádep jónindegi keńestiń kezekti otyrysynda qabyldandy, dep habarlaıdy QazAqparat Memlekettik qyzmet isteri departamentiniń baspasóz qyzmetine silteme jasap.

Tártiptik keńestiń kezekti otyrysynda Áýlıekól aýdany ákiminiń orynbasary Dıdar Tileýbaevqa qatysty is qaraldy. Ol «Súıikti Qostanaı» qoǵamdyq qoryna kásipkerlerden aqsha jınaý barysynda zańbuzýshylyqqa jol bergen.

Keńeste aýdan ákiminiń orynbasary Dıdar Tileýbaevtyń jaýaby tyńdaldy. Ol jemqorlyqqa qarsy is-qımyl agenttigi ókilderiniń taqqan aıybymen tolyq kelisetinin jetkizdi. Alaıda, bundaı áreketke burynǵy aýdan ákiminiń buıryǵymen barǵanyn aıtty.

«2019 jyldyń mamyr aıynda Qostanaı qalasynyń 140 jyldyǵyna demeýshilik kómek kórsetý úshin «Súıikti Qostanaı» qoǵamdyq qory qurylǵan. Áýlıekól aýdany ákiminiń orynbasary D.Tileýbaev aýdan ákimi A.Ǵ.Qısyqovtyń ótinishimen atalmysh esepshotqa kásipkerlerden aqsha aýdartý týraly tapsyrma alady. Munan soń aýdannyń aýylsharýashylyq taýar óndirýshileriniń tizimi jasalyp, qońyraý shalý arqyly qarjylaı kómek suraǵan. Osylaısha, 16 kásipkerdiń 5-eýi qorǵa 19 mıllıon teńge kóleminde demeýshilik kómek kórsetken. Qalǵan kásiporyn basshylary qarjylaı kómek kórsetýden bas tartqan», - delingen Memlekettik qyzmet isteri departamentiniń aqparatynda.

Keńes sheshimi boıynsha Áýlıekól aýdany ákiminiń orynbasary D. Tileýbaevtyń is-áreketinde QR memlekettik qyzmetshileriniń Ádep kodeksin buzý belgileri bar ekeni anyqtaldy.

«D. Tileýbaev A.Qısyqovtyń bergen tapsyrmanyń zańdylyǵyna jaýap berýge qınaldy. Bul rette ol basshysymen daýly jaǵdaıǵa jol bergisi kelmegen. «QR memlekettik qyzmeti týraly» zańynyń 43-baby, 1-tarmaǵynda memlekettik qyzmetshi oryndaý úshin alynǵan ókimniń zańdylyǵyna kúmándanǵan jaǵdaıda bul týraly óziniń tikeleı basshysyna jáne ókim bergen basshyǵa jazbasha túrde habarlaýy tıis. Eger laýazym boıynsha joǵary turǵan basshy osy ókimdi jazbasha rastaǵan jaǵdaıda, memlekettik qyzmetshi, eger ony oryndaý qylmystyq jazalanatyn áreketterge ákep soqpasa, oryndaýǵa mindetti», - dep túsindirdi vedomstvonyń baspasóz qyzmeti.

Keńes músheleri aqyldasa kele, Dıdar Tileýbaevty qyzmetine saı emes dep tanyp, ony qyzmetinen tómendetý usynysyn qabyldady.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT