+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Elbasy Prezıdent jumysyna aralaspaıdy - Dáýren Abaev eldegi «qos bılik» qaýeseti týraly

2019 jylǵy 17 qazan 22:01
Bólisińiz:
Elbasy Prezıdent jumysyna aralaspaıdy - Dáýren Abaev eldegi «qos bılik» qaýeseti týraly

NUR-SULTAN. QazAqparat – QR Aqparat jáne damý mınıstri Dáýren Abaev «Habar» arnasyndaǵy «Ashyq dıalog» baǵdarlamasynda Qazaqstandaǵy «qos bılik» qaýeseti jóninde pikir bildirdi, dep habarlaıdy QazAqparat.

Uqsas jańalyqtar
Media quryltaı: YouTube keńistiginde qazaq tilindegi kontentke suranys artyp keledi Elordada «Ásker Medıa-2019» áskerı jýrnalıstıka salasyndaǵy júlde tabys etiledi Qytaıdaǵy qazaqtildi buqaralyq aqparat quraldarynyń tarıhyna sholý

Onyń aıtýynsha, osy másele arqyly halyqty dúrliktirgisi keletinder bar.

«Birqatar anonımdik kanaldar Qazaqstandaǵy «qos bılik» taqyrybyn ádeıi taratty. Mundaı resýrstardyń asyra siltep, ótirikti shyndaı etip kórsetkisi keletini túsinikti. Elbasy óz málimdemesinde bul joramaldardy joqqa shyǵardy», - dedi mınıstr.

Mınıstr Tuńǵysh Prezıdent Nursultan Nazarbaevtyń málimdemesinen birneshe tujyrym shyǵarýǵa bolatynyn aıtty.

«Birinshiden, Elbasy Prezıdent jumysyna aralaspaıdy. Munyń barlyǵy konstıtýtsııalyq normalarmen mejelengen. Ekinshiden, Toqaev – ekinshi Nazarbaev emes, onyń óz basqarý stıli, óz kózqarasy bar. Sondyqtan, jańa Prezıdent óz jumysynda jańa format qoldanǵan saıyn «qos bılik» týraly shý kóterýdiń qajeti joq. Úshinshiden, Elbasynyń ózi de, Qasym-Jomart Kemeluly da mańyzdy másele jóninde keńesip otyratyndaryn aıtty. Ne degenmen, Nursultan Ábishulynyń tabysty el basqarýdaǵy tájirıbesi mol. Oǵan ózge memleketterdiń de kóshbasshylary keńes surap júginedi, muny men anyq bilemin», - dedi D.Abaev.

Aıta keteıik, 11 qazanda QR Tuńǵysh Prezıdenti – Elbasy Nursultan Nazarbaev Qazaqstanda «qos bılik» týraly qaýesetke negiz joq ekenin málimdegen bolatyn.

«Mundaı tujyrymǵa esh negiz joq, sebebi Qazaqstan prezıdenttik basqarý formasy bar ýnıtarly memleket. Men jol kórsetemin, ózderi keńesedi, keńes beremin, suramasa – keńes bermeımin (kúldi). Óz Otanyma, óz elime qyzmet etýdi jalǵastyryp kelemin», - dep jaýap berdi Nursultan Nazarbaev jýrnalıst suraǵyna.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT