+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Oraldaǵy Nazarbaev zııatkerlik mektebinde kún stansasy iske qosyldy

2019 jylǵy 16 qazan 15:18
Bólisińiz:
Oraldaǵy Nazarbaev zııatkerlik mektebinde kún stansasy iske qosyldy

ORAL. QazAqparat – Oraldaǵy fızıka-matematıkalyq baǵyttaǵy Nazarbaev zııatkerlik mektebinde kún stansasy iske qosyldy, dep habarlaıdy QazAqparat tilshisi.

Uqsas jańalyqtar
Elektr energııasyna saralanǵan tarıf engizile me – birinshi vıtse-premer jaýaby AIIB men QR Energetıka mınıstrligi memorandýmǵa qol qoıdy Kelesi jyly elorda aýdandary gazben qamtylady

Mektep aýmaǵynda «Shell» kompanııasy qýaty 100 Kvt/saǵat fotoelektrlik kún panelderimen jabdyqtalǵan arnaıy turaqtar ornatty.

Fotoelektrlik stansa kún sáýlesin fotoelektrlik modýlder arqyly túrlendirý jolymen elektr qýatyn óndiredi. Bular mekteptiń jyldyq energııa tutynýynyń 20 paıyzyn únemdeıdi, sonymen qatar artyq óndirilgen qýatty qalalyq jelige jibere alady.

Saltanatty jıynǵa «Nazarbaev zııatkerlik mektepteri» DBBU basqarma tóraıymy Kúlásh Shámshıdınova, oblys ákiminiń birinshi orynbasary Muhtar Mankeev qatysty.


«Elbasynyń tikeleı tapsyrmasymen Nazarbaev mektepteriniń ashylǵanyna 10 jyl boldy. Osy merzim ishinde elimizde 10 myńnan astam túlek mektepterdi támamdasa, sonyń 80 paıyzy qazaqstandyq tehnıkalyq jáne medıtsınalyq ýnıversıtetterde bilim alyp, bitirgenderi eńbekke aralasyp úlgerdi. 300-den astam jastyń aldy Garvard syndy álemniń jetekshi JOO-larynda bilimderin jetildirýde. «Shell» kompanııasymen birlesip qolǵa alǵan «Mektepterge kún energııasy» eń aldymen STEM-bilim berýdi engizý, balalardyń osy bastan ǵylymmen aınalysyp, óz ıdeıalaryn júzege asyrýy úshin kerek», dedi óz sózinde K.Shámshıdınova.

Mekteptegi fızıka pániniń muǵalimi Ómirǵalı Bekeshev jobanyń oqýshylardyń jasyl ekonomıka, ekologııa salasyndaǵy shyǵarmashylyq ıdeıalaryna qozǵaý salatynyn jetkizdi.

«Oqýshylarymyzdyń bul baǵyt boıynsha jetistikteri de joq emes. Jýyrda avtobýs aıaldamalarynda energııany úzdiksiz paıdalaný júıesin jasaqtaǵan mektep túlegi, Nazarbaev ýnıversıtetiniń 1-kýrs stýdenti Ázız Talapov patent aldy», dedi Ó.Bekeshev.

Aıta keteıik, joba Energetıka mınıstrligi, «Shell» kompanııasy jáne «Nazarbaev zııatkerlik mektepteri» DBBU arasyndaǵy memorandým aıasynda ekinshi jyl júzege asýda. «Shell» kompanııasynan kún energııasyn Nur-Sultan jáne Aqtaý qalalaryndaǵy zııatkerlik mektepter alǵan bolatyn. Al 2020 jyly osyndaı stansa Almaty jáne Atyraý qalalarynda paıda bolmaqshy.


Saltanatty sharadan keıin jas zııatkerler jasyl energetıka, jasandy ıntellekt, bıotehnologııa salalary boıynsha ıdeıalarymen tanystyrdy. Sonymen qatar bul kúni almanyń kollektsııalyq jáne ıntensıvti sorttary ósetin ekobaqtyń negizi qalandy.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT