+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Sırııadan oralǵan Shynar basynan ótkenderi týraly kitap jazbaqshy

2019 jylǵy 15 qazan 21:17
Bólisińiz:
Sırııadan oralǵan Shynar basynan ótkenderi týraly kitap jazbaqshy

ALMATY. QazAqparat- «Jýsan» operatsııasy boıynsha Sırııadan oralǵan otandastarymyzdyń qatarynda Shymkenttik Shynar da bar. Bes jyldaı berekesi qashqan bóten elde ómir súrgen ol, bastan keshkenderin búkpesiz baıandap berdi.

Uqsas jańalyqtar
Táýelsizdik kúni qarsańynda Nur-Sultan ákimdiginde memlekettik nagradalar tapsyryldy Sırııadan oralǵan shymkenttik búldirshinder qoǵamǵa beıimdelýde Asqar Myrzahmetov tarazdyq turǵyndardyń talap-tilegine qulaq túrdi

Shynar Sham ólkesinen kelgen áıelderdiń biri. Óz elinen bezip, ózegi órtengen kelinshektiń taǵdyry aýyr. Sońǵy bes jyly shym-shytyryq oqıǵaǵa toly. Qandy qyrǵyndy kózben kórip, zulymdyqtan ábden ábirjigen.

«Kúndiz-túni bombylaıdy. Tas talqanyn shyǵarady. Sol eldi mekendi jermen jeksen etkenshe bombylaıdy. Sosyn biz qashyp basqa aýdanǵa, basqa qalaǵa kóshemiz. Kóshpeli ómir boldy. Kóz aldymyzda adamdar ólip jatty. Janyń ashıdy, kómekteskiń keledi. Biraq amalyń joq. Tastap ketýge májbúrsiń óz basyńdy aman alyp qalý úshin»,- deıdi Shynar.

Shynar 2015 jyly joldasymen birge eń aldymen Túrkııaǵa keledi, keıin kúıeýimen Sırııaǵa attanady. 31 jastaǵy kelinshektiń janatty ańsaǵan joldasy Islam memleketinde jaıma-shýaq ómir súremiz dep sendiripti. Biraq, Sırııadaǵy sumdyqty kórgende, tozaqqa tap bolǵanyn túsinedi.

«Men sharıǵat zańy oryn alǵan jerge baram, seniń qalaýyń ózińde. Barsań júr, barmasań qal, biraq men balalarymdy alyp ketem», dep aıtty. Ony oıynan qaıtaratyn bilimim bolmady. Shamam jetpedi. Sharasyz kúıge tústim. Balalarym úshin barýyma týra keldi»,- deıdi kelinshek.

Kúıeýi alǵashqy jyly-aq mert bolady. Taýy shaǵylyp tórt balamen dalada qalǵan Shynar taǵy da turmys qurady. Sábı súıedi. Biraq ol kúıeýimen dám tuzy jaraspaı ajyrasyp tynady.

Kelinshektiń aıtýynsha, Sırııada kúıeýsiz júrgizip qoımaıdy. Sondyqtan kelinshekter birneshe ret turmysqa shyǵýǵa májbúr. Búginde Ońtústik Qazaqstannyń týmasy shyrǵalańnan bes balasymen aman-esen shyǵyp, beıbit elde júrgenine qýanady.

«Bizdiń sońǵy bir aıda Sırııada kórgenderimizdi eshkimniń basyna bermesin. Nebir sumdyq áreketterdiń kýási boldyq. Men ol jaqta kúndiz túni qudaıdan keshirim surap, Qazaqstanǵa aman-esen oralýymdy suraıtynmyn. Allaǵa shúkir duǵalarym qabyl bolyp elge oraldyq. Allaǵa sansyz shúkir deımin. «Jýsan» bizge taǵy bir ómir syılady»,- deıdi Shynar.

Qazir kelinshek bes balasymen ońaltý sharalarynan ótip jatyr. Bar armany balalarynyń boıyndaǵy úreı men qorqynysh tezirek seıilip, umyt bolsa eken deıdi.

«Júregim kishkene tynyshtaldy. Aldaǵy ýaqytta kitap jazýdy josparlap otyrmyn. Men kózimen kórgen nárselerimdi qaǵaz betine túsirgim keledi. Sony jastar oqyp, bilse eken deımin. Jat aǵymdaǵylar olardy eshqashan újmaqqa shyǵarmaıdy. Kerisinshe ómirlerin tozaqqa aınaldyrady»,- dep Shynar áńgimesin qortyndylady.

«Jýsan» operatsııasy Shynar sııaqty qazaqstandyq ondaǵan kelinshekke qaıta ómir syılady. Olar oılanbaı ot basqandaryn Sırııaǵa barǵan kezde uqty. Elimizde ońaltý sharalarynan ótip, kóptegen mamandardan keńes alyp jatqan otandastarmyz qazir ókinedi. Qazirgi armandary bir. Óz elderinde baqytty ǵumyr keshý.

Bizdiń kanalymyzǵa jazylyńyz:

Basty sózder: Almaty, Din, Oqıǵa, Qoǵam, Sırııa,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT