+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Perzenthana dárigerleri bolǵan oqıǵaǵa qaramastan jumysyn jalǵastyrýy tıis - depýtat

2019 jylǵy 11 qazan 21:01
Bólisińiz:
Perzenthana dárigerleri bolǵan oqıǵaǵa qaramastan jumysyn jalǵastyrýy tıis - depýtat

ATYRAÝ. QazAqparat – Búgin Atyraýdaǵy eki qyzmetkeri sábı ólimine qatysy bar dep kúdikke ilingen perınataldyq ortalyqqa Premer-mınıstrdiń orynbasary Berdibek Saparbaev, Parlament Májilisiniń depýtattary bastaǵan úkimettik delegatsııa keldi, dep habarlaıdy QazAqparat tilshisi.

«Qazirgi bolyp jatqan jaǵdaı ujymǵa zalalyn tıgizýde. Azdaǵan qorqynysh kórip turmyz. Nelikten? Sebebi qazirgi tańda kez kelgen dáriger ár istegen isi úshin jazalanamyn dep qorqady. Sondyqtan ár kezekshilik - synaq. Jyldam sheshim qabyldaý kerek. Ota jasaý nemese jasamaý týraly máseleni kóterý kerek. ıAǵnı, bul shuǵyl jaǵdaı, kesheýildetýge bolmaıdy. Al dáriger táýekelge barmaı dáriger bola almaıdy», - dedi QR Parlamenti Májilisiniń depýtaty Záýresh Amanjolova Atyraý perınataldyq ortalyǵynyń dárigerlerimen áńgimeleskennen keıin.

Sondaı-aq, depýtat 31 qyzmetkerdiń óz erkimen jumystan ketkisi kelgeni úlken úreı týǵyzatynyn atap ótti.

«Elimizdiń densaýdyq saqtaý salasyndaǵy kadrlyq saıasat kóńilge qonymsyz. Akýsher-gınekologtar, neonatologtar, reanımatologtar jumystan shyǵyp jatyr. Bular – perzenthanadaǵy asa qajet mamandar. Mundaı mamandar jetispeıdi», - deıdi Záýresh Amanjolova.

Ol ana atanýǵa daıyndalyp júrgen kelinshekter perzenthanaǵa qalaı kelip júrgenin kórgenin aıtty. Olarmen áńgime órbitti. Júkti áıelderdiń basym kópshiligi dárigerlerge senedi, olardyń kásibıligine kúmán keltirmeıdi.

«Sondyqtan perınataldyq ortalyq dárigerleri bolǵan oqıǵaǵa qaramastan jumysyn jalǵastyra berýi kerek. Áıelderdiń ana atanýyna kómektesip, bar jıǵan bilimi men tájirıbesin bólisýi kerek», - deıdi Záýresh Amanjolova.

Eske salaıyq, ótken aptada Sybaılas jemqorlyqqa qarsy qyzmet jańa týǵan sábıdiń ólimine, sondaı-aq, jemqorlyq qylmystar boıynsha kúdikti Atyraý oblystyq perzenthanasynyń bas dárigerine qatysty istiń mán-jaıyn baıandady.

Senbi kúni Atyraý oblysyna QR Densaýlyq saqtaý vıtse-mınıstri bastaǵan respýblıkalyq densaýlyq saqtaý uıymdarynyń mamandary keldi. Olar oblystyq perınataldyq ortalyqtyń dárigerlerine kómek kórsetedi.

Al dúısenbide perınataldyq ortalyqtyń 31 qyzmetkeri jumystan ketý týraly ótinish jazǵany belgili boldy. Odan keıin Atyraý perınataldyq ortalyǵynyń jumystan ketý týraly ótinish jazǵan qyzmetkerleri Prezıdentke hat joldady.

Bizdiń kanalymyzǵa jazylyńyz:

Bólisińiz:

Avtor:

Birjanqyzy Sabına

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT