+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qýandyq Bıshimbaev merziminen buryn bosap shyqty

2019 jylǵy 11 qazan 15:21
Bólisińiz:
Qýandyq Bıshimbaev merziminen buryn bosap shyqty

ShYMKENT. QazAqparat – Búgin Shymkent qalasynyń túrmesinde jazasyn ótep jatqan Qýandyq Bıshimbaev bostandyqqa shyqty. Burynǵy ulttyq ekonomıka mınıstrin merziminen buryn bosatý týraly qaýlyny Abaı aýdandyq sotynyń sýdıasy Marat Sháripov shyǵarǵan, dep habarlaıdy QazAqparat tilshisi.

Uqsas jańalyqtar

Atalǵan sottyń baspasóz qyzmetiniń málimetinshe, Qýandyq Bıshimbaev Qylmystyq protsessýaldyq kodekstiń 72-baby boıynsha jazasyn ótep jatqan.

«2019 jyly 13 aqpanda sottalýshy Qýandyq Bıshimbaev Prezıdent jarlyǵymen raqymshylyqqa ilinip, jazasyn óteý merzimi 10 jyldan 4 jylǵa qysqartylǵan. Búginde jazasynyń úshten eki bóligin ótep qoıǵan. 167/3 túzeý mekemesiniń basshylyǵy oǵan jaqsy minezdeme bergen. Osy jaıttardy eskergen sýdıa Qylmystyq protsessýaldyq kodekstiń 476, 480 jáne 483 baptaryn negizge ala otyryp, sottalǵan Bıshimbaevty 1 jyl 3 aı 13 kún buryn bosatý týraly qaýly qabyldaǵan» delingen baspasóz qyzmetiniń habarlamasynda.

Aıta keteıik, bul qaýly 25 qyrkúıek kúni qabyldanyp, keshe 10 qazan kúni kúshine engen. Osy qaýlyǵa oraı búgin Qýandyq Bıshimbaev túrmeden bosap, bostandyqqa shyqty.

Buǵan deıin sottalǵan mınıstrdiń qorǵaýshysy onyń jazasyn óteý tártibin ózgertýdi suraǵan bolatyn.

Eske sala ketsek, ótken jyldyń naýryz aıynda burynǵy ulttyq ekonomıka mınıstri men osy iske qatysty ózge de aıyptalýshylarǵa úkim shyqqan edi. Sot úkimimen Qýandyq Bıshimbaevtiń múlki tárkilenip, 10 jylǵa sottaldy. Sonymen birge, ol ómir boıyna memlekettik qyzmette jumys isteý quqyǵynan aıyryldy. Bıylǵy 4 qańtar kúni Qýandyq Bıshimbaev Shymkenttegi qaýipsizdigi ortasha túzeý mekemesine aýystyrylǵan bolatyn.

Bizdiń kanalymyzǵa jazylyńyz:

Basty sózder: Sot, Zań, Shymkent,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT