+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

11 qazan. Týǵan kún ıeleri

2019 jylǵy 11 qazan 08:08
Bólisińiz:
11 qazan. Týǵan kún ıeleri

NUR-SULTAN. QazAqparat - Búgin, ıaǵnı 11 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER


73 jyl buryn (1946) «Abaı jáne HHІ ǵasyr» halyqaralyq klýbynyń prezıdenti, jazýshy Rollan SEISENBAEV dúnıege keldi.

Semeı qalasynda týǵan. Semeı ınjener-tehnologııalyq ınstıtýtyn bitirgen. Alǵashqy povesi 1975 jyly jaryq kórgen. Sodan bergi ýaqytta «Ańsaý», «Ózimdi izdep júrmin», «Saǵynyp jetken jaz edi» povesteri, «Ómir súrgiń kelse eger», «Taý basynda túıisken jol», «Іbilis taǵy», t.b. romandary jaryq kórgen. «Ózimdi izdep júrmin» pesasy 1975 jyly jas dramatýrgterdiń búkilodaqtyq baıqaýynda júldege ıe bolǵan. Onyń pesalary respýblıkalyq teatr sahnalarynda qoıylyp keledi.

Jazýshy Abaıdyń qara sózderin orys tiline aýdarýǵa at salysyp, Anglııada Abaı úıin ashýǵa óz úlesin qosqan.

Qazaqstan komsomoly syılyǵynyń, KSRO Jazýshylar odaǵy syılyǵynyń laýreaty, Kolýmbııa ýnıversıteti syılyǵynyń laýreaty, Búkilálemdik óner jáne mádenıet akademııasynyń akademıgi «Qurmet belgisi» ordenimen marapattalǵan.


46 jyl buryn (1973) «QAZAQSTAN» RTRK» AQ Basqarma tóraıymy, tanymal jýrnalıst Lázzat Muratqyzy TANYSBAI dúnıege keldi.

Shyǵys Qazaqstan oblysynyń Úrjar aýdanynda týǵan. Qazaq memlekettik ýnıversıtetin, Almaty halyqaralyq jýrnalıstıka ınstıtýtyn bitirgen. 1993 jyldan - «Qazaqstan» RTRK júrgizýshisi, redaktory. 1995 jyldan - «Habar» agenttigi» AQ júrgizýshisi, jańalyqtar qyzmetiniń prodıýseri. 2002 jyldan - QR Prezıdentiniń baspasóz qyzmetinde bas sarapshy, sektor meńgerýshisi, bas ınspektor. 2005 jyldan - QR Mádenıet jáne aqparat mınıstrliginiń aqparat jáne muraǵattar komıteti tóraǵasynyń orynbasary. 2008 jyldan - «Qazaqstan» RTRK basqarma tóraǵasynyń birinshi orynbasary. 2011 jylǵy qarashadan - QR Baılanys jáne aqparat vıtse-mınıstri. 2012 jyldan beri «Astana» telearnasynyń bas dırektory. 2018 jylǵy shildeden «NUR-Medıa» holdıngin qatar basqardy.

«Qurmet» ordenimen marapattalǵan. Qazaqstandyq BAQ arasynda «Jyldyń tańdaýly júrgizýshisi» atalymynda «Altyn juldyz» ıegeri. Qazaqstan jýrnalıster odaǵy syılyǵynyń laýreaty.


42 jyl buryn (1977) Qazaqstan Respýblıkasy Qarjy mınıstrligi Memlekettik kirister komıteti tóraǵasynyń orynbasary Jaıdar Dabyruly ІNKERBAEV dúnıege keldi.

Qazaq memlekettik basqarý, qarjy jáne nesıe akademııasynyń qarjy jáne nesıe fakýltetin (1998), Ál-Farabı atyndaǵy Qazaq ulttyq ýnıversıtetin zańtaný mamandyǵy boıynsha támamdaǵan (2002).

Eńbek joly: Qazaqstan Respýblıkasy Memlekettik kirister mınıstrliginiń Almaty qalasy boıynsha salyq organdarynda salyq ınspektory (1998-2002 jj.); qyzmet jetekshisiniń orynbasary, Qazaqstan Respýblıkasy Ádilet mınıstrligi Sot-medıtsınalyq saraptama ortalyǵy sot-ekonomıkalyq saraptama qyzmetiniń basshysy (2002-2003);

Almaty qalasyndaǵy «Qazaqıývelır» AQ qarjy dırektory (2003-2004);, Qazaqstan Respýblıkasy Qarjy mınıstrligi Almaty qalasy boıynsha salyq komıteti basqarma basshysy (2004-2007); Almaty qalasy boıynsha salyq departamentiniń aýdandyq salyq basqarmalarynyń basshysy, Almaty qalasy boıynsha Memlekettik kirister departamenti basshysynyń orynbasary (2007-2017 jj.); Qazaqstan Respýblıkasy Qarjy mınıstrligi Salyq jáne keden zańnamasy departamenti dırektorynyń orynbasary, dırektory (2017-2018); Qazaqstan Respýblıkasy Qarjy mınıstrligi Memlekettik satyp alý komıteti tóraǵasynyń orynbasary (2018-2019); Qazaqstan Respýblıkasy Qarjy mınıstrligi Memlekettik satyp alý komıteti tóraǵasy mindetin atqarýshy (04.2018).

2019 jylǵy mamyr aıynan beri qazirgi qyzmetinde.

«Qurmet» ordenimen marapattalǵan (2017); «Qazaqstan Respýblıkasynyń Táýelsizdigine 20 jyl» medali (2011); «Salyq qyzmetiniń úzdigi» (2012 j.), «Qarjy qyzmetiniń úzdigi» (2013 j.) belgilerimen marapattalǵan.


39 jyl buryn (1980) Pavlodar oblysy ákiminiń orynbasary Arystan Kenjetaıuly QABYKENOV dúnıege keldi.

Jezqazǵan qalasynda týǵan. 2002–2006 jyldary Baıqońyrov atyndaǵy Jezqazǵan ýnıversıtetin, 2004 jyly — KIMEP, 2012 jyly — Nottıngem ýnıversıtetin (Ulybrıtanııa) támamdaǵan.

Eńbek jolyn 2001 jyly bastaǵan. 2001–2004 jyldary «TAT-2001» JShS qarjy dırektory qyzmetin atqarǵan. 2004–2006 jyldary Qarjy mınıstrliginde túrli laýazymdarda jumys istegen. 2006–2008 jyldary QR Premer-Mınıstri Keńsesiniń Makroekonomıkalyq taldaý jáne baǵdarlamalyq monıtorıng bóliminiń sektor meńgerýshisi qyzmetin atqarǵan. 2008–2011 jyldary QR Prezıdenti Ákimshiliginde jumys istegen.

2011–2015 jyldary QR Prezıdenti janyndaǵy Strategııalyq ázirlemeler jáne taldaý ortalyǵynda, Óńirlik damý mınıstrliginde, sondaı-aq Ulttyq ekonomıka mınıstrliginde qyzmet etken. 2015–2016 jyldary QR Premer-Mınıstri Keńsesi basshysynyń orynbasary bolǵan. 2016-2018 jyldary QR Japonııadaǵy Elshiliginiń keńesshisi qyzmetin atqarǵan.

2018 jylǵy qańtardan QR Investıtsııalar jáne damý vıtse-mınıstri. Qazirgi qyzmetinde 2019 jyldyń naýryzynan beri.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT