+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Almatyda sekseýildi qorǵaýǵa shaqyratyn «4 tonna qum» art-qondyrǵysy paıda boldy

2019 jylǵy 9 qazan 17:05
Bólisińiz:
Almatyda sekseýildi qorǵaýǵa shaqyratyn «4 tonna qum» art-qondyrǵysy paıda boldy

ALMATY. QazAqparat- Almatynyń Qurmanǵazy jáne Baıseıitova kósheleriniń qıylysyndaǵy saıabaqta «4 tonna qum» art-ıntallıatsııasy paıda boldy.

Uqsas jańalyqtar
Danıal Ahmetov: Óskemenniń ekologııalyq máselesin sheshý úshin arnaıy baǵdarlama ázirlendi Mańǵystaýda zańsyz qoqys tógý kóbeıip barady Qazaqstandyqtardyń ekologııalyq jaǵdaıǵa qyzyǵýshylyǵy artty - mınıstr

Bul – qazaqstandyqtardy ósimdikter álemine, sonyń ishinde biregeı aǵash – sekseýildi saqtaýǵa shaqyrady, dep habarlaıdy QazAqparat tilshisi.

«4 tonna qum» art-jobasy ekologııalyq mádenıet deńgeıin arttyrýǵa, ósimdikterdiń biregeı túrlerine qamqorlyq tanytýǵa baǵyttalǵan. Sondaı-aq, sekseýildi saqtaýdyń mańyzdylyǵyn uǵyndyrýǵa jáne ony otyn retinde paıdalanýdan bas tartýǵa shaqyrady.


Bul kompozıtsııada 4-tonna qumǵa batqan turǵyn úı beınelengen (qum Balqashtyń shóldi aımaǵyndaǵy Baqbaqty aýylynan jetkizilgen). Installıatsııa adamdardyń tabıǵat kúshiniń aldynda dármensiz ekenin kórsetedi.


Dál munsha kólemdegi qumdy ákelýdiń ózindik sımvolıkalyq astary bar. Sebebi, bir sekseýil aǵashtyń tamyry 4 tonna qumdy ustap tura alady. Sekseýildiń tamyryn shabý shól dalanyń ulǵaıýyna alyp keledi. Onyń ustap turýshy tamyrynan ajyraǵan qumdar kóship, úıindilerge aınalady.


«Qummen kómkerilgen úı – bul bizdiń aýyldyń kórinisi. Bul dál janymyzda bolyp jatqan nárse. Almaty qalasynan 160 shaqyrym jerde sekseýildi shabýdyń saldarynan qum Baqbaqty aýylyna kóship jatyr. Osyndaı ınstallıatsııa arqyly biz kórneki túrde sekseýildi shabýdyń nátıjesinde shóleıttenýdiń qandaı saldary bolatynyn kórsetkimiz keldi», - deıdi QR Ekologııa, geologııa jáne tabıǵı resýrstar vıtse-mınıstri Erlan Nysanbaev.


Qazaqstan aýmaǵynyń 4,74% ǵana orman alqaptary, onyń ishindegi barlyq orman qorynyń jartysyna jýyǵy sekseýilden quralady. Ókinishke oraı, qoldanystaǵy zańnamalyq tyıymǵa qaramastan, qazaq dalasynyń sımvoly – sekseýil jylytý jáne taǵam (káýap) daıyndaý úshin otyn retinde kesilip jatyr. Sekseýildi satý tas joldardyń boıynda, jarnama saıttarynda iske asyrylýda.

Qazaqstandaǵy BUU-nyń damý baǵdarlamasy memlekettik seriktestermen birlese otyryp, asa mańyzdy ekologııalyq mindetterdi sheshýge baǵyttalǵan birqatar jobalardy iske asyrýda.

Sekseýildiń azaıýyna yqpal etýshi faktorlarǵa, zańsyz shabýdan bólek, shekten tys mal jaıýdy, klımattyń ózgerýiniń nátıjesinde týyndaıtyn aýrýlar men zııankesterdi jatqyzýǵa bolady. Osynaý ekologııalyq problemany sheshý joldarynyń biri retinde sekseýildi qorǵaý boıynsha sharalardy kúsheıtý, sekseýildi shabýǵa baılanysty moratorııdi uzartý, orman tálimbaqtaryn damytý, sekseýilderdi zııankesterden qorǵaý úshin jańa bıopreparattardy qoldaný jáne t.b. iske asyrý qajet.


Bizdiń kanalymyzǵa jazylyńyz:

Basty sózder: Almaty, Mádenıet, Ekologııa, Óner,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT