Mańǵystaýda tank saıysy ótti

AQTAÝ. QazAqparat - Aqtaýdaǵy «Oımasha» polıgonynda «Batys» óńirlik qolbasshylyǵynyń tank ekıpajdary shtattyq snarıadtarmen oq atý jattyǵýyn ótkizdi, dep habarlaıdy QazAqparat tilshisi.

Uqsas jańalyqtar

Memleket basshysy Lıvandaǵy qazaqstandyq azamattardyń qaýipsizdigin qamtamasyz etýdi tapsyrdy

Lıvandaǵy qazaqstandyq bitimgerler Beırýttaǵy jarylystan zardap shekken joq

Tankishiler aldymen, T-72 tankisiniń qarýynan dáldeý sheberlikterin kórsetip, ekıpajdar oq atý boıynsha birinshi jattyǵýdy oryndady.

Saıys barysynda sarbazdar 1600 metr qashyqtyqtan 900 metrge deıingi qashyqtyqtan tankige qarsy granata atqysh pen zeńbirek jáne 700 metrden tankige qarsy granata atqyshpen oq atý ónerin pash etti. Odan basqa, áskerıler tankige atys jıyntyǵyn salý, tanktiń bólimshesi men qarý-jaraǵyn joryqtyq qalyptan jaýyngerlikke jáne keri qaraı kóshirý jónindegi praktıkalyq normatıvterdi oryndady.

Oq atý jattyǵýyn ótkizýdiń basty maqsaty áskerı qyzmetshilerdiń jaýyngerlik daıarlyq deńgeıin arttyrý, sarbazdardyń shtattyq qarý-jaraqtan oq atý sheberlikterin jetildirý, atysty basqarýdy durys uıymdastyrýdaǵy praktıkalyq mashyqty ıgerý boldy.

Oq atý jattyǵýynyń qorytyndysy boıynsha 2-shi tank rotasynyń komandıri aǵa leıtenant Azamat Qondybaevtyń jeke quramy barlyq tıisti normatıvterdi sapaly ári jyldam oryndap, barlyq nysanalarǵa dóp tıgizdi. Úzdik tank komandıri retinde serjant Seıtqoja Ábdýǵazız tanyldy.