+7 (701) 759 90 19
USD 376.43 EUR 407.11
RUB 5.76 CNY 53.55
Jańalyqtar

Darıǵa Nazarbaeva: Qazaqstan men Reseıdiń ekologııa zańnamasyn úılestiretin ýaqyt jetti

2019 jylǵy 23 qyrkúıek 21:58
Bólisińiz:
Darıǵa Nazarbaeva: Qazaqstan men Reseıdiń ekologııa zańnamasyn úılestiretin ýaqyt jetti

NUR-SULTAN. QazAqparat - Parlament Senatynyń Tóraǵasy Darıǵa Nazarbaeva men Reseı Federatsııasy Memlekettik Dýmasynyń Tóraǵasy Vladımır Volodınmen, Federaldyq Jınalystyń Federatsııa Keńesi Tóraǵasynyń orynbasary Ilıas Ýmahanovpen kezdesýi barysynda Qazaqstan men Reseı yntymaqtastyǵyn tereńdete túsýdiń keleshegi talqylandy.

Uqsas jańalyqtar
Qazaqstannyń barlyq óńirinde belsendi ómir súrý ortalyǵy ashylady Qazaqstannyń 3 qalasynda Sot saraptamalary ınstıtýttarynyń ǵımaraty salynady Bıyl Qazaqstanda «E-saraptama» aqparattyq júıesi iske qosylady

Júzdesýshiler ekijaqty qatynastardyń oń qarqynyn aıta kelip, Qazaqstannyń elordasynda ótip jatqan Eýrazııa elderi parlamentteri spıkerleri Keńesiniń mańyzyn atap ótti.

Darıǵa Nazarbaeva eki eldiń joǵarǵy palatalarynyń arasyndaǵy Yntymaqtastyq komıssııasynyń tıimdiligin atap ótti. Komıssııa músheleri ulttyq zańnamalardy jaqyndastyra túsýdegi naqty usynymdar ázirleýde aýqymdy jumys atqardy.

Joǵarǵy palata basshysy ekologııa jáne ózenderdi qorǵaý máseleleri jónindegi ekijaqty yntymaqtastyqty tereńdete túsý qajettigine reseılik áriptesteriniń nazaryn aýdardy. Qoldanystaǵy normatıvtik-quqyqtyq baza qazirgi zamandaǵy qaterlerge jáne Jaıyq ózeninde qalyptasqan jaǵdaıǵa sáıkes kelmeıdi.

«Qazaqstan men Reseıdiń ekologııa men tabıǵatty paıdalaný zańnamalaryn úılestiretin ýaqyt keldi. Úlgi zańdardy ázirlep, qabyldaý qajet», - dedi Senat Tóraǵasy.

D.Nazarbaevanyń pikirinshe, kıberqaýipsizdik salasyndaǵy úlgi zańnamasyn ázirleý jáne EAEO aıasyndaǵy aqparattyq saıasatty belsendendirý qajet.

«EAEO sheńberinde kóptegen ıntegratsııalyq máseleler bar, biraq aqparat keńistiginde olar talqylanbaı keledi. EAEO-da bolyp jatqan jaǵdaılardan, qandaı sheshimder qabyldanyp jatqanynan habarsyzdyq bar», - dedi Senat Tóraǵasy.

Vladımır Volodın ekologııalyq jáne sý resýrstaryn paıdalaný zańnamasyn jaqyndastyra túsý máselelerin aımaqaralyq is-qımyl aıasynda talqylaý qajettigin atap ótti. Ol sondaı-aq aqparattyq qaýipsizdik týraly zań jobasy ázirlengeninen habardar etti.

Taraptar parlamentaralyq yntymaqtastyqty jańa qalypqa túsirý týraly aıta otyryp, «naqtylyqqa kóshý jáne sońǵy nátıjege qol jetkizý qajet» degen ortaq pikirge keldi.

Kezdesý aıasynda parlamentaralyq uıymdar, atap aıtqanda EKPA aıasyndaǵy ózara is-qımyl, sırııalyq daǵdarysty retteý jáne ekonomıkalyq yntymaqtastyqty tereńdete túsýdiń keleshegi talqylandy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT