+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Oralda tanys áıeldi óltirgen turǵyn 11 jylǵa sottaldy

2019 jylǵy 23 qyrkúıek 18:29
Bólisińiz:
Oralda tanys áıeldi óltirgen turǵyn 11 jylǵa sottaldy

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda kisi qanyn júktegen 27 jastaǵy Altynbek Bımuratovqa qatysty úkim shyqty, dep habarlaıdy QazAqparat tilshisi.

Uqsas jańalyqtar
Almatyda jappaı tóbelesti bastaǵan birinshi kýrs stýdentteri ustaldy Qyzylordada birneshe márte páter tonaǵan ury ustaldy SQO turǵyndaryna ınternet arqyly «jalǵan páter» usynǵan alaıaq ustaldy

Sýdıa Baqyt Ermahanovtyń málim etkenindeı, Qyzylorda oblysynyń týmasy, 1992 jylǵy A.Bımuratov «Karızma» JShS-ynda qoıma meńgerýshisi bolyp jumys jasaǵan.

Bıylǵy jyldyń aqpanynda osynda aspaz bolyp eńbek etip júrgen 46 jastaǵy Janar Nurǵazıevamen tanysady.

Bir-birimen jaqyn qarym-qatynasta bolǵan ekeýi 15 sáýir kúni jaldamaly páterde kezdesedi.

J.Nurǵazıeva A.Bımuratovtan alǵan qaryzyn qaıtarýdy talap etip, ketip bara jatyp, qolyndaǵy sómkesimen onyń betinen bir salyp qalady. Sol mezgilde A.Bımuratov artynan jetip baryp, moınynan qysyp, tunshyqtyryp óltiredi. Sosyn marqumnyń 502 myń teńgesin, uıaly telefonyn urlap alady.

Sodan keıin «Karızma» JShS-ynda júk túsirý-tıeý kezinde kelip júrgen 1998 jylǵy Ádilbek Járdemov pen 1994 jylǵy Nursultan Keńesovti shaqyryp alady. Olardyń qolyna aqsha berip, ortalyq bazardan eki úlken sómke men 5-6 metr aq mata ákelýdi tapsyrady.

Kelesi kúni máıitti eki búktep, aq matamen orap, áýeli bir sómkege, sosyn ekinshisine salady. Sodan tanys taksıst jigitterdi shaqyryp, olarǵa «kıiktiń eti» dep, qalanyń syrtyna 30 myń teńgege aparýǵa kelistiredi. Tórtinshi qabattan ekeýi máıitti túsirip, júksalǵyshqa salady.

Sodan keıin qalanyń shetine barǵannan keıin túsip qalyp, máıitti joldan alyp shyǵyp, betin tal-butalarmen jaýyp tastaıdy.

«Járdemov pen Keńesovtiń biz qoryqqannan istedik degen ýáji sotta dálelin tappady. Óıtkeni olardyń qashyp ketýge, oqıǵa týraly polıtsııaǵa habarlaýǵa múmkindikteri boldy. Onyń ústine Bımuratov basqa jerdiki bolǵandyqtan, qalany bilmeıtini shyndyqqa saıady. ıAǵnı olar máıitti laqtyryp tastaıtyn jerdi de kórsetken», dedi B.Ermahanov.

Sot úkimimen A.Bımuratov QR QK 99-baby 1-bóligi (adam óltirý) jáne 188-baby 1-bóligine sáıkes (urlyq) aıypty dep tanylyp, túpkilikti 11 jylǵa bas bostandyǵynan aıyrý jazasyn qaýipsizdigi joǵary qylmystyq-atqarý júıesi mekemesinde óteýge sottaldy.

Odan sondaı-aq jábirlenýshiniń paıdasyna moraldyq jáne materıaldyq ótemaqy retinde 4 mln astam teńge óndirildi.

Qylmysty jasyrǵany úshin N.Keńesov pen Á.Járdemov QR QK 432-babyna sáıkes eki jylǵa bas bostandyǵynan aıyrý jazasyn qaýipsizdigi ortasha qylmystyq-atqarý júıesi mekemesinde óteýge sottaldy. Osyǵan deıin úıqamaqta bolǵan bul ekeýi sot zalynda qamaýǵa alyndy.

Sot úkim shyǵarǵan kezde Bımuratovtyń eki, Keńesovtiń bir balasy bar ekendigin, Járdemovtiń jastyǵyn eskerdi.

Sot úkimi kúshine engen joq.

Eske sala keteıik, budan buryn Oralda iz-túzsiz joǵalyp ketken áıeldiń denesi tabylǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT