+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

TJK órt sóndirý men sanıtarlyq qyzmet úshin shetelden 4 tikushaq satyp alýdy kózdep otyr

2019 jylǵy 23 qyrkúıek 17:07
Bólisińiz:
TJK órt sóndirý men sanıtarlyq qyzmet úshin shetelden 4 tikushaq satyp alýdy kózdep otyr

NUR-SULTAN. QazAqparat – QR Tótenshe jaǵdaılar komıtetiniń tóraǵasy Vladımır Bekkerdiń aıtýynsha, tikushaqtardyń alǵashqy tórteýi 2020 jyldyń sońyna qaraı Qazaqstanǵa ákelinýi kerek, dep habarlaıdy QazAqparat tilshisi.

Uqsas jańalyqtar
Saryaǵash aýdanynda joǵalǵan balany polıtseıler tapty Aqtóbede jasóspirimder tóbelesip, oqýshy pyshaq jaraqatymen aýrýhanaǵa tústi Oqýshyny zorlaý oqıǵasy: Jambyldaǵy barlyq mektepterde qaýipsizdik kúsheıtildi

«Orman órtterin eskertý, sóndirý jumysyna negizinen Orman sharýashylyǵy jáne janýarlar dúnıesi komıteti jaýapty. Bizde bıýdjetter ártúrli. Olarda «Qazaq avıatsııamen orman qorǵaý jáne orman sharýashylyǵyna qyzmet kórsetý bazasy» RMKK degen uıym bar. Meniń bilýimshe, olarǵa avıatsııalyq-patrýldik jumys úshin, avıatsııalyq tehnıkany tarta otyryp, órtti sóndirý úshin 3,2 mlrd teńge bólinedi. Olar konkýrs ótkizip, kelisimderge keledi. Al bizge qarasty «Qazavıaqutqarý» AQ-tyń respýblıkada eki ǵana bólimi bar. Olardyń biri Aqmola, ekinshisi Almaty oblysynda. Biz bıyl orman órtin sóndirýge birinshi jyl kómek qolyn sozyp otyrǵan joqpyz. Esterińizde bolsa, Býrabaıda órt bolǵan kezde biz MI-26 tikushaǵyn jibergenbiz. Aqmola oblysyndaǵy Shortandyda da tikushaq jónelttik», - dedi Vladımır Bekker elordada ótken baspasóz máslıhatynda.

Komıtet tóraǵasynyń esepteýinshe, órt tirkelgen Pavlodar oblysynda da tikushaq bolýy kerek. Sebebi, qaraǵaıly aýmaqta órttiń qaýpi joǵary. Ekinshiden, ol jaqta bir aýmaqtan ekinshi aýmaqqa sýdy jetkizý jaǵynan da másele joq emes.

«Bizde TJK-da MI-8, MI-171 sekildi aýyr úsh bort bar. Biri Óskemende, ekinshisi Almatyda, úshinshisi Nur-Sultanda tur. Pavlodar oblysyna nelikten Óskemennen tikushaq jetkizildi? Sebebi, meniń esepteýimshe, Nur-Sultannan bortty aparýǵa asyqpaý kerek, óıtkeni Býrabaıda da órt shyǵý qaýpi bar. Sondaı-aq, Atyraýda bir tikushaq bar. Ol tikushaq Kaspıı teńizin basyp usha alady. Apatty jaǵdaıda ol sý ústinde de qonýǵa beıim», - dedi ol.

Vladımır Bekker sonymen birge, dál búgin bıýdjettik komıssııanyń kezekti otyrysy ótkenin aıtty.

«Otyrysta bizdiń qyzmetti áýe kemelerimen – MI jáne Eýrokopter tikushaqtarymen tolyqtyrý máselesi maquldandy. Kelesi jylǵa alǵashqy tórt tikushaq úshin aldyn ala 6,7 mlrd teńge bólingeli otyr. ıAǵnı, osy qarajatqa MI-8, MI-171 tikushaqtary men eki jeńil Eýrokopter tikushaǵy satylyp alynady. 2020 jyldyń sońyna qaraı alǵashqy tikushaqtardy qolǵa tıip qalar dep otyrmyz. 2020 jyly bıýdjetke taǵy 4 aýyr tikushaqty satyp alarlyq usynys bildirmekpiz. ıAǵnı, aýmaǵymyzdyń úlkendigin eskere otyryp, ár oblysta bir tikushaq bolýy kerek dep esepteımin. Ol tikushaqtar órt sóndirýge ǵana emes, sanıtarlyq qyzmet úshin de paıdalanylatyn bolady. Qazirgi ýaqytta «Qazavıautqarý» qyzmetinde barlyǵy 27 áýe kemesi bar», - dedi Vladımır Bekker.

Eske sala ketsek, Baıanaýyl ulttyq parkindegi alapat órttiń aýyzdyqtalǵany búgin tańerteń habarlanǵan bolatyn. Oqys oqıǵadan eshkim zardap shekpegen.

Pavlodar oblysynyń ákimi Bolat Baqaýov men oblystyq Tótenshe jaǵdaılar departamentiniń bastyǵy Ernur Ótegenov órt shyqqan oryndy tikushaqpen aralap shyqty. TJK buǵan deıin Baıanaýyldaǵy órt eldi mekenderge qaýip tóndirgenin jarııa etken.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT