+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

AQSh Áskerı-teńiz kúshteri ushatyn beımálim nysan túsirilgen vıdeony rastady

2019 jylǵy 19 qyrkúıek 19:52
Bólisińiz:
AQSh Áskerı-teńiz kúshteri  ushatyn beımálim nysan túsirilgen vıdeony rastady

NUR-SULTAN. QazAqparat – AQSh Áskerı-teńiz kúshteri áýede júrgen «ushatyn beımálim nysandar» túsirilgen vıdeonyń shynaıylyǵyn rastady. Resmı tulǵalar bul nysannyń ne ekenin bilmeıtinin málim etti, dep habarlaıdy QazAqparat CNN-ge silteme jasap.

AQSh Áskerı teńiz flotynyń baspasóz hatshysy Djozof Gredısher CNN-ge bergen suhbatynda jarııalanǵan úsh beınematerıalda «beımálim ushatyn nysandar» túsirilgenin rastady.

2017 jylǵy jeltoqsan men 2018 jylǵy naýryz aralyǵynda To The Stars Academy of Arts& Sciences jarııalaǵan vıdeoda áýede jyldam úshyp júrgen sopaqsha nysandar kórinedi. Olar ınfraqyzyl sensor kómegimen túsirilgen.

2004 jylǵy kadrlarda sensorlar nysandy ushyp bara jatqan kúıinde túsirgen. Alaıda nysan jyldamdyǵy tez údegendikten anyq túsire almaǵan. 2015 jylǵy eki vıdeoda ne kórgenin uqpaı otyrǵan amerıkalyq joıǵysh ushaq pılottardyń ózara áńgimesi jazylyp qalǵan.

«Baýyrym bul – saıtan alǵyr dron ǵoı», - deıdi pılot alǵashqy vıdeoda áriptesine.

«Qudaıym –aý! Jelge qarsy jyldam ushady eken»

«Mynanyń keremetin qara!»

Gredısherdiń aıtýynsha, áskerı-teńiz kúshteriniń «beımálim ushatyn nysandarǵa» qatysty oqıǵany ashyq moıyndaýy, pılottarǵa qaýip tóndiretin osyndaı «shabýyldardy» áýe aılaqtarynyń mańynda baıqap qalǵan turǵyndardyń qajetti mekemelerge ózderi habarlap turýy úshin qajet bolǵan.

«Men oqý-jattyǵý kezderinde osyndaı jaǵdaılar jıi bolatyn aıtyp turmyn», - dedi ol.

Onyń sózine qaraǵanda, bul beımálim ushatyn zattardyń ne ekenin anyqtaýǵa múmkindik beretin jalǵyz jol – azamattardy osyǵan uqsas qubylystardy kórgen kezinde habarlap otyrýǵa yntalandyrý.

Bizdiń kanalymyzǵa jazylyńyz:

Basty sózder: Álem,
Bólisińiz:

Avtor:

- Birjanqyzy Sabına

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT