+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Úkimette «100 naqty qadam» Ult josparyn iske asyrýdyń aralyq qorytyndysy shyǵaryldy

2019 jylǵy 19 qyrkúıek 17:35
Bólisińiz:
Úkimette «100 naqty qadam» Ult josparyn iske asyrýdyń aralyq qorytyndysy shyǵaryldy

NUR-SULTAN. QazAqparat - QR Premer-Mınıstri Asqar Mamınniń tóraǵalyǵymen jáne QR Parlamenti Májilisiniń tóraǵasy N. Nyǵmatýlınniń qatysýymen ótken Jańǵyrtý jónindegi ulttyq komıssııanyń otyrysynda «Tuńǵysh Prezıdent – Elbasy N. Nazarbaevtyń bes ınstıtýtsıonaldyq reformasyn iske asyrýdyń 100 naqty qadamy» Ult josparynyń oryndalý barysy qaraldy, dep habarlaıdy QazAqparat primeminister.kz silteme jasap.

«100 naqty qadam» Ult josparyn júzege asyrý Elbasynyń jeke baqylaýynda. Memleket basshysy Q. Toqaev Qazaqstan halqyna arnaǵan Joldaýynda Elbasy qurǵan Jańǵyrtý jónindegi ulttyq komıssııanyń jumysyn qaıta bastaýdy tapsyrdy. «100 naqty qadam» Ult josparynyń oryndalýyn baqylaý mindeti el Parlamentindegi «Nur Otan» partııasy fraktsııasynyń aldyna da qoıylǵan. Qazirgi jáne ózgerip jatqan jaǵdaıdy eskere otyryp, biz barlyq kúsh-jigerimizdi úılestirip, Ult josparynyń qadamdaryn iske asyrý boıynsha qazirgi tásilderdi qaıta qarap, jumysty jandandyrýymyz kerek», - dedi A. Mamın.

Búgingi tańda Ult josparynyń 100 qadamynyń 58-i oryndalyp, baqylaýdan shyǵaryldy, 3 qadam «Rýhanı jańǵyrý» baǵdarlamasy aıasynda júzege asyrylyp jatyr jáne Qoǵamdyq sanany jańǵyrtý jónindegi ulttyq komıssııanyń baqylaýynda.

Qalǵan 39 qadamdy iske asyrý barysy týraly QR ulttyq ekonomıka mınıstri R. Dálenov, Memlekettik qyzmet isteri agenttiginiń tóraǵasy A. Jaıylǵanova, aýyl sharýashylyǵy mınıstri S. Omarov, ındýstrııa jáne ınfraqurylymdyq damý mınıstri B. Atamqulov, syrtqy ister mınıstri M. Tileýberdi, saýda jáne ıntegratsııa mınıstri B. Sultanov, energetıka mınıstri Q. Bozymbaev, Premer-Mınıstrdiń birinshi orynbasary – qarjy mınıstri Á. Smaıylov jáne Úkimettiń birqatar músheleri baıandady.

Premer-Mınıstr keıinnen Memleket basshysy Q. Toqaevqa bekitýge jiberý úshin Ulttyq ekonomıka mınıstrligi usynǵan Jol kartasy men Jańǵyrtý jónindegi ulttyq komıssııanyń jumys josparynyń jobalaryn bir apta ishinde qaraýdy tapsyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT