+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qaraǵandyda halyqaralyq aıtys qarsańynda «Sáken» kitabynyń tusaýy kesildi

2019 jylǵy 18 qyrkúıek 03:30
Bólisińiz:
Qaraǵandyda halyqaralyq aıtys qarsańynda «Sáken» kitabynyń tusaýy kesildi

NUR-SULTAN. QazAqparat - Qaraǵandyda Sáken Seıfýllınniń 125 jyldyǵyna arnalǵan halyqaralyq aıtys qarsańynda uly aqyn, jazýshy, qoǵam jáne memleket qaıratkeri týraly kitaptyń tusaýkeseri ótti. Elordada jaryq kórgen basylymnyń avtory – QR Eńbek sińirgen qaıratkeri, aqyn Amanjol Áltaev.

Uqsas jańalyqtar
Sáken Seıfýllınniń 125 jyldyǵy: Qaraǵandyda halyqaralyq aqyndar aıtysy bastaldy

«Men Sáken aǵaǵa arnalǵan kitapty burynnan shyǵarǵym kelgen. Aqyrynda osy oıymnyń sáti tústi. «Sáken» kitaby Qaraǵandy oblysy ákimdiginiń qoldaýymen uly aqyn jáne jazýshymyzdyń mereıtoıyna 1000 dana taralymmen jaryq kórdi. Basylym úsh bólimnen turady. Birinshi bólimde Sáken Seıfýllın týraly maqalalar men ǵylymı materıaldar bar. Ári qaraı belgili jáne jas avtorlardyń Sáken týraly óleńderi bar. Úshinshi bólimde Sáken Seıfýllınniń shyǵarmalary usynylǵan. Tırajdyń bir bóligi kitaphanalarǵa túsedi», - dedi Amanjol Áltaev baspasóz máslıhatynda.

Halyqaralyq aıtys Qaraǵandy oblysy ákimdigi men Nur Otan partııasynyń qoldaýymen «Rýhanı jańǵyrý» baǵdarlamasy aıasynda ótkiziledi. Ol 18 qyrkúıekte S. Seıfýllın atyndaǵy oblystyq qazaq drama teatrynyń sahnasynda bastalady. Qazaqstan, Qyrǵyzstan, Mońǵolııa jáne Qytaıdan kelgen 18 aqyn sahna tórinde óz ánderin oryndaıdy.

Uıymdastyrýshylar óte myqty aqyndar jınalǵanyn, qatysýshylar arasynda jas talanttar bar ekenin atap ótti.

«Aıtys – qazaqtyń ejelgi óneri jáne óte kúrdeli, sebebi aqyndar tolyǵymen sýyryp salma óneriniń kómegimen jeńiske jete alady. Bizdiń halyq ánshilerdi óte jaqsy kóredi. Ár aıtysta árqashan zalda ıne shanshar jer bolmaıd. Sebebi árdaıym myqty aqyndar jınalady», - deıdi qazylar alqasynyń tóraǵasy, tanymal akter jáne rejısser, Halyq ártisi, Qazaqstannyń Eńbek Eri Asanáli Áshimov.

Aıtys eki kún ótedi – 18 jáne 19 qyrkúıekte. Gran-prı ıegeri 3 mln teńge kóleminde aqshalaı syılyq alady. Birinshi oryn úshin – 1,5 mln teńge, ekinshi oryn úshin – 750 myń teńge, úshinshi oryn úshin – 500 myń teńge utys tigilip otyr. Sonymen qatar eki arnaıy júlde qarastyrylǵan.

Aıtystyń ashylý saltanaty 11.00-de ótedi. Kirý tegin. Kórermenderdi barynsha kóbirek tartý úshin zaldan translıatsııa uıymdastyrylady. Ekrandar teatrdyń foıesi men kishi zalynda ornatylady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT