+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Elordaǵa álemdik dinder ókilderi keldi

2019 jylǵy 17 qyrkúıek 19:23
Bólisińiz:
Elordaǵa álemdik dinder ókilderi keldi

NUR-SULTAN. QazAqparat - 18 qyrkúıek kúni Nur-Sultan qalasynda QR Parlamenti Senatynyń tóraǵasy - Hatshylyq basshysy Darıǵa Nazarbaevanyń tóraǵalyq etýimen Álemdik jáne dástúrli dinder sezi Hatshylyǵynyń XVIII otyrysy bolady, dep habarlaıdy QazAqparat Senatynyń baspasóz qyzmetine silteme jasap.

Uqsas jańalyqtar
Álemdik dinder sezi: Hatshylyq otyrysynda qandaı usynystar jasaldy Qazaqstan konfessııaaralyq dıalogtyń ashyq alańyna aınaldy Darıǵa Nazarbaeva álemdik dinder lıderleriniń ókilderimen kezdesti

Jıynǵa qatysýshylar alda ótetin sezd jumysyn pysyqtap, uıymdastyrý máselelerin talqylaıdy.

Otyrysqa 19 elden kelgen túrli dinder ókilderi men kóshbasshylary qatysady. Olardyń qatarynda Qytaı, Ońtústik Koreıa, Taıland, Reseı, Mysyr, Saýd Arabııasy, Pákistan, Vatıkan, Ulybrıtanııa jáne taǵy basqa da elder bar. Barlyq dinder ókilderi elordaǵa kelip boldy.

Kún tártibi boıynsha Álemdik jáne dástúrli dinder kóshbasshylarynyń VI seziniń qorytyndysy men Hatshylyqtyń aldaǵy sharalary talqyǵa salynady. Sondaı-aq aldaǵy VII Sezd ben Hatshylyqtyń XIX otyrysy ótetin kúni belgilenetin bolady.

«Búgin Beıbitshilik jáne kelisim saraıynda erteńgi ótetin Hatshylyq otyrysyna ázirlik jumystary bastaldy. Qatysýshylar ádettegideı «Atrıým» zalynda bas qosady. Munda qazir sońǵy daıyndyq jumystary júrýde: oryndyqtar qoıylyp, dybys jáne jaryq jabdyqtary tekserilýde.

Álemdik dinder ókilderi úshin arnaıy ǵıbadat bólmeleri belgilendi. Buqaralyq aqparat ókilderine arnaıy baspasóz ortalyǵy jasaqtalyp, qajetti aqparatpen qamtamasyz etýge jáne tikeleı efır arqyly qatysýshylardy tyńdaýǵa múmkindik bar», delingen habarlamada.

«N.Nazarbaevtyń konfessııaaralyq jáne órkenıetaralyq dıalogty damytý ortalyǵynyń» basqarma tóraǵasy Altaı Ábıbýllaevtyń aıtýynsha, dinaralyq, dástúraralyq bólikterdi ilgeriletýdiń qazaqstandyq úlgisi bizdiń elimizdiń beıbitshilik pen ózara túsinistikti qamtamasyz etýdegi erekshe beınesi bolyp tabylady.

«Álemdegi túrli dinder kóshbasshylary men ókilderi arasynda dál osy rýhanı dıplomatııa arqyly dıalog ornatý men damytýǵa Qazaqstan belsendi úles qosyp kele jatqany sizderge belgili», - dedi Altaı Ábıbýllaev.





Bizdiń kanalymyzǵa jazylyńyz:

Basty sózder: Senat, Nur-Sultan, Din, Dinder sezderi,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT