+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Jol sapasyn baqylaýdyń mańyzy zor – Zamır Saǵynov

2019 jylǵy 15 qyrkúıek 09:30
Bólisińiz:
Jol sapasyn baqylaýdyń mańyzy zor – Zamır Saǵynov

NUR-SULTAN. QazAqparat – Elimizdegi joldardyń sapasyn baqylaýdyń mańyzy zor. Osy oraıda «Jol aktıvteri ulttyq sapa ortalyǵy» RMK bas dırektory Zamır Saǵynov QazAqparat tilshisine suhbat berdi.

Uqsas jańalyqtar
Kókshetaýdaǵy «saqaldy» qurylysqa aınalǵan oqytý-tárbıeleý kesheni keler jyly paıdalanýǵa beriledi Ordabasy aýdanynda joldardyń sapasyna monıtorıngtik baqylaý júrgizildi Jambyl oblysyndaǵy  keıbir jol asýlary qys mezgilinde qaýipti

Memleket basshysy bıylǵy Joldaýynda týrızmdi damytý úshin qajetti ınfraqurylym qurylysyn, birinshi kezekte jol salýdy qamtamasyz etý qajettigin atap kórsetken bolatyn.

Taqtaıdaı túzý jol bolsa, alysty jaqyndatatyny, adamdy dittegen jerine tez jetkizetini málim. Joldy ekonomıkanyń kúretamyry deýge de bolady.

-Zamır Sadyquly, joldyń sapasyn tekseretin ortalyq bıyl qurylǵan eken. Aldymen mekemeniń maqsat-mindetteri jóninde aıta ketseńiz?

-Iá, bıylǵy naýryz aıynda oblystyq jol zerthanalarynyń birigýimen «Jol aktıvteri ulttyq sapa ortalyǵy» respýblıkalyq memlekettik kásiporny qurylǵan edi. Aımaqtaǵy zerthanalar buryn jol sapasyn tekserip, onyń kem-ketikterimen kúresip kelse, jańa kásiporynnyń mindeti odan da keńeıip, aýqymy artyp otyr. Bizdiń mekemeniń maqsaty jol salasynda kezdesetin sapasyzdyq sııaqty faktilerdi azaıtý bolyp tabylady. Ortalyq sonymen qatar jalpyǵa ortaq paıdalanylatyn avtomobıl joldary men eldi mekender, qala kóshelerindegi jumystar men materıaldar sapasyna saraptama jasaıdy. Halyqaralyq jáne respýblıkalyq mańyzy bar avtomobıl joldaryn talapqa saı daıyndaýdy jumyldyrý sharalaryn júzege asyryp qana qoımaı, jol-kólik ınfraqurylymynyń qaýipsizdigin baqylaıdy.

-Endeshe, qandaı jumystar júrgizilýde?

-Jol aktıvteri ulttyq sapa ortalyǵynyń jumysy mynadaı qaǵıdalarǵa negizdelgen: nátıjege nazar aýdarý, jarııalylyq, sapa men tıimdilikke umtylý, kásibı komandalyq jumysty qalyptastyrý jáne qaǵazbastylyqtan arylý. Al joldyń sapasy men qaýipsizdigin arttyrý maqsatynda jol aktıvterin basqarý júıesi júzege asyrylýda. Atalǵan júıe joldardyń naqty jaǵdaıyn baǵalaýǵa, jóndeýdiń utymdy strategııasyn jasaýǵa múmkindik beredi. Osy júıe arqyly kez kelgen qoldanýshy jol salasynda júrgizilip jatqan jóndeý jumystarymen tanysyp, qaı jerde jumystyń qaı ýaqytta bastalyp, qashan aıaqtalatyny jóninde habardar bola alady.

Oǵan qosa ortalyq qoǵam belsendilerimen birge joldardyń sapasyn tekserý reıdterin qolǵa aldy. Jaqynda Aqmola oblysy Qosshy aýylynyń kósheleri tekserildi. Mundaı reıdter endi elimizdiń barlyq óńirinde jalǵasyn tabatyn bolady.

-Óńir demekshi, Elbasy tapsyrmasyna sáıkes Batys Qazaqstan oblysynda shalǵaıdaǵy Qaztalov, Bókeı ordasy, Jánibek aýdandary baǵytynda jol qurylysy qolǵa alynǵany belgili. Bul másele qazir Qazaqstan Prezıdentiniń tikeleı baqylaýynda tur. Osy oraıda ne aıtar edińiz?

- Prezıdent tapsyrmalaryn oryndaý maqsatynda Qaztalov, Jánibek jáne Bókeı ordasy aýdandaryn oblys ortalyǵymen baılanystyratyn, uzyndyǵy 245 km jolǵa kúrdeli jóndeý josparlanǵan.

Atap aıtqanda, Qaztalov-Jánibek-RF shekarasy joly, uzyndyǵy 142 km jáne Ónege-Bısen-Saıqyn joly, 103 km.

Sonymen qatar 2018-2020 jyldar aralyǵynda Chapaev-Jalpaqtal-Qaztalov baǵytyndaǵy jol ýchaskeleri (jalpy uzyndyǵy 157-192 km) jóndelýde. Bul jumys kestege sáıkes júrgizilýde.

«Jol aktıvteri ulttyq sapa ortalyǵy» RMK BQO boıynsha fılıaly atalǵan nysandar boıynsha da jumys sapasyn baqylap, jol-qurylys materıaldaryn tekserip keledi. Mysaly, Qaztalov-Jánibek-RF shekarasy men Ónege-Bısen-Saıqyn joldaryn kúrdeli jóndeý jumystaryna fılıal tórt márte tekserý júrgizip, 21 synama aldy. Sol sekildi Chapaev-Jalpaqtal-Qaztalov baǵytyndaǵy jol ýchaskeleri tórt ret tekserilip, 37 synama alyndy. Ortalyq tekserý nátıjesinde tabylǵan kemshilikter boıynda Avtomobıl joldary komıtetine jáne basqa da tıisti organdarǵa usynys hat joldaýda. Atalǵan nysandar boıynsha eskertýler merdiger uıym tarapynan eskerilip, olqylyqty joıý jumystary júrgizilýde.

Sóz sońynda aıta keteıin, oqyrmandar jol sapasyna baılanysty kez kelgen ótinish pen usynystaryn +7(7172)739-739 nómirine nemese jolsapapress@gmail.com poshtasyna jibere alady.


Bizdiń kanalymyzǵa jazylyńyz:

Basty sózder: Qoǵam, Qurylys,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT