+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Beıjińde «Qytaı men Irandaǵy shytyrman oqıǵalar» jaryq kórdi - Sheteldegi qazaq tildi BAQ-qa sholý

2019 jylǵy 14 qyrkúıek 11:32
Bólisińiz:
Beıjińde «Qytaı men Irandaǵy shytyrman oqıǵalar» jaryq kórdi - Sheteldegi qazaq tildi BAQ-qa sholý

Nur-Sultan. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Elimizde 6 jeltoqsanda ótetin mańyzdy sharalarǵa sholý Elimizde 5 jeltoqsanda ótetin mańyzdy sharalarǵa sholý Qazaqstanda 4 jeltoqsanda ótetin mańyzdy sharalarǵa sholý

Qytaıda ulttyq sporttan az ulttardyń chempıonaty ótýde - «Tıanshannet»


Qytaıdaǵy az sandy ulttardyń ulttyq sport túrlerinen memlekettik XI chempıonaty 8 qyrkúıekte Jyńjoý qalasynda bastaldy. Atalmysh chempıonat 16 shildege deıin jalǵasady.

Bul týraly osy aptada «Tıanshannet» aqparattyq portaly habarlady.


«Shynjań ýákilder úıirmesindegi 13 ulttan quralǵan 119 sportshy buqaralyq negizge ıe 8 túrli jarysta baqtaryn synamaq. Mundaǵy 5 jarys túri: saıyskerlik, altybaqan, jaıaý tartys, ulttyq kúrester, ulttyq dene shynyqtyrý gımnastıkasy. Al, 3 oıyn kórsetý túri: daýaz(arqannyń ústinen júretin áýe akrobatıkasy), sarǵaıdı (keńistiktegi aınalmaly shyǵyryq), marra doby. Osy kezekti ulttyq sport jarysyna 34 ýákilder úıirmesi júldege talasady. Qytaıdaǵy 56 ulttan shamamen 7000 sportshy 17 jarys túrine, 194-y oıyn kórsetý túrine qatynasady. Bul jolǵy chempıonattyń at ústindegi sport túrleriniń jarysy 2019 jyly 7-12 shilde aralyǵynda Іshki Mońǵol avtonomııaly ólkesiniń Hohhot qalasynda ótkizilgen bolatyn» dep jazady qytaılyq BAQ.


Úıleri baspaldaq tárizdi salynǵan aýyl - «Fars» aqparat agenttigi





Iranda basqa álemniń eshbir elinen kezdespeıtin ǵajaıyptar kóp. Solardyń biri Kýhrang qalasy Chahormahal Bahtıarı oblysynyń ortalyǵy Shahrkúrd qalasynan 85 km jerde ornalasqan. Bul qalada Zaıanderýd jýne Qarýn ózeńderi aǵady. Kýhrang aımaǵynda «Masýle-Zagros» ataýymen tanymal bolǵan ádemi jáne týrısterdi qyzyqtyratyn Saraqasıd aýyly bar. Bul aýyldyń úıleri baspaldaq tárizdi salynǵan. Jyldyń ártúrli kezeńderinde bul aýylda kóptegen týrıster keledi. Atalǵan aýyldan jaz merzimindegi aptap ystyqta, qystan qalǵan qasat qardy da kórýge bolady eken.

Bul týraly osy aptada parstoday aqparattyq portalynda habarlanǵan bolatyn.





Shynjańda qazaq malshylary kúzeýlikke kóshti - «Jenmın jıbao» (People Daily)


Shynjańda qazaq malshylary en jaılaýdy jaılap bolǵan soń, kúzeýlikke qonys aýdarady. Myńǵyrǵan malyn aıdap kóshken baqtashylardyń kórinisin Qytaılyq basylymdar jyl saıyn nazardan tys qaldyrmaıdy. Sol dástúrdi bul joly People Daily aqparattyq portaly jalǵastyrypty.



«Qońyr salqyn kúz belgi bere bastasymen, Shynjańnyń Qulja aýdany Týrasý jaılaýyndaǵy qazaq malshylar ásem jaılaýǵa qosh aıtyp, kúzeýlikke bet túzedi. Sóıtip, ózderiniń taǵy bir qutty qonystaryna kelip qonbaq. Ǵasyrlardyń kýási bolǵan kósh jolyndaǵy úıir-úıir jylqy, qora-qora qoı men sıyrlar malshylardyń kóshindegi ásem de aıbyndy sýretterin qalyptastyrdy» dep jazady Jenmın jıbao basylymy.

Qoltyraýyndardy eksporttaıtyn ferma - «Fars» aqparat agenttigi


Irannyń batysyndaǵy qoltyraýyn fermasy Hamedan qalasynan 70 shaqyrym jerdegi Malaıerde ekonomıkalyq jáne týrısterdi tartý maqsatpen ashylǵan bolatyn. Parstoday aqparat agenttiginiń málimetinshe, Bul ferma 600 qoltyraýyndy baǵyp ósirý múmkindigine ıe. Osy kezde fermada aýstralııalyq 53 qoltyraýyndy kórýge bolady. Malaıer fermasynyń qoltyraýyndary Shyǵys Azııa, Ońtústik Amerıka jáne Eýropa elderine eksporttalady.

Beıjińde «Qytaı men Irandaǵy shytyrman oqıǵalar» jaryq kórdi - ca-irnews


Ótken Beısenbi kúni Beıjińde «Qytaı men Irandaǵy shytyrman oqıǵalar» atty kitaptyń tusaýkeser rásimi ótti. Bul týraly « ca-irnews « aqparat agenttigi habarlaıdy.

Kitapta 29 Iran men Qytaı azamattarynyń jumysy, ómiri, tájirıbeleri men oqýlary týraly jazylǵan maqalalary men estelikteriniń jıyntyǵy qamtylǵan. Bul kitaptyń tusaýkeser rásimine Iran Islam Respýblıkasynyń Qytaıdaǵy elshisi Mohammad Keshavarz-Zade, Irandaǵy Qytaıdyń burynǵy elshileri jáne Iran Islam Respýblıkasynyń Beıjińdegi Qurlyqaralyq basylymdardyń jetekshisi qatysqan. Qytaıdaǵy Iran Islam Respýblıkasynyń mádenı keńesshisi Abbas Álı Vafaı atalǵan kitaptyń tusaýkeserinde, eki eldiń qazirgi belsendi qarym-qatynasy týraly pikirin bildirgen. «Osydan 10-20 jyl buryn qytaı tilin jetik biletin jáne aýdarma jasaı alatyn ırandyqty tabý qıyn boldy, biraq búginde eki eldiń mádenı kúsh-jigeriniń nátıjesinde qytaı tilin úırenetin ırandyqtardyń sany artyp keledi», - dedi mádenı keńesshi.

Irandyq basylymnyń málimetinshe, qazirgi tańda Qytaıdyń 7 ýnıversıtetinde parsy tili oqytylýda eken.

Qazaqstan men Ózbekstan arasyndaǵy avtobýs baǵyttarynyń sany taǵyda artty - «ÓzA» aqparattyq agenttigi


Ózbekstannyń Transport mınıstrliginiń qasyndaǵy «Uzavtotrans Service» kompanııasy Qazaqstannyń túrli oblystaryna saparǵa shyǵatyn Tashkent oblysy aýdandarynyń turǵyndaryna qolaılyq jaratý maqsatynda 13-shi qyrkúıekten bastap «Angren-Almaty» «Shyrshyq-Almaty», «Shyrshyq-Shymkent» baǵyttaryna turaqty reısti qatynaýdy jolǵa qoıady, dep habarlaıdy uza.uz aqparattyq portaly.

Atalǵan aqparat kózininiń málimetine súıensek, jol qashyqtyǵy 918 shaqyrym bolǵan «Angren-Almaty» baǵytynyń belet baǵasy 120 myń sým bolyp belgilenip, avtobýstar Angrennen 16:00, 17:00, 18:00 de júrýdi bastaıdy. «Shyrshyq-Almaty» baǵytynyń belet baǵasy 100 myń sým bolyp belgilengen. Osy jol baǵytynyń qashyqtyǵy 818 shaqyrymdy quraıdy. Avtobýstar qatynaýy 17:00 men 18:00 de bastalady. Al «Shyrshyq-Shymkent» baǵyttaryna avtobýstar qatynaýy kúndelikti 09:00, 11:00, 13:00, 15:00,17:00 aralyǵynda bolady. Jol aqysy 35 myń sým. Osyǵan deıin, Tashkentten Qazaqstannyń Túrkistan, Qyzyloda, Almaty, Nur-Sultan qalalaryna turaqty túrde avtobýstar qatnaýy jolǵa qoıylǵan edi.

Ózbekstanda jańa agenttik quryldy - «ÓzA» aqparattyq agenttigi


Ózbekstan Respýblıkasy Prezıdentiniń 2019 jyl 9 qyrkúıektegi «Ózbekstan Respýblıkasy Mınıstrler Mekemesiniń janyndaǵy Prezıdent, shyǵarmashylyq jáne arnaıy mamandandyrylǵan mektepterdi órkendetý agenttigin qurý týraly» 5815, sandy jarlyǵy jarııalandy, dep habarlaıdy uza.uz aqparattyq portaly.

«Memleket basshysynyń jarlyǵyna saı jańadan qurylǵan, «Prezıdent, shyǵarmashylyq jáne arnaıy mamandandyrylǵan mektepterdi órkendetý agenttiginiń» negizgi mindetteri jaıly Prezıdent jarlyǵynda, shyǵarmashylyq jáne mamandandyrylǵan arnaıy mektepterde talantty jastardy anyqtaý, olardy irikteý. Sondaı-aq, oqytý jáne tárbıeleý salasyndaǵy biryńǵaı memlekettik saıasatty júzege asyrý jáne memlekettik bilim standarttaryn bekitý bolyp tabylatyny jaıly aıtylǵan...

Ózbekstan Respýblıkasy Prezıdenti Sh.Mırzııaevtyń arnaıy buıryǵymen, joǵarydaǵy jarlyqtyń oryndalý tártibin qadaǵalaýdy Ózbekstannyń Premer-mınıstrine, Ózbekstan Prezıdentiniń keńesshisine jáne Ózbekstan Respýblıkasy Premer-mınıstriniń orynbasaryna júktetilgenin aıtady ózbekstandyq BAQ.

Bizdiń kanalymyzǵa jazylyńyz:

Basty sózder: BAQ, Qoǵam,
Bólisińiz:

Avtor:

Beısen Sultan

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT