+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Abaev: Ulttyq keńestiń jumysy kúmánshilerdiń barlyq joramalyn joqqa shyǵardy

2019 jylǵy 12 qyrkúıek 21:34
Bólisińiz:
Abaev: Ulttyq keńestiń jumysy kúmánshilerdiń barlyq joramalyn joqqa shyǵardy

NUR-SULTAN. QazAqparat – Aqparat jáne qoǵamdyq damý mınıstri Dáýren Abaev Ulttyq qoǵamdyq senim keńesiniń keıbir múshelerine moraldyq qysym kórsetilip jatqanyn málim etti, dep habarlaıdy QazAqparat tilshisi.

Uqsas jańalyqtar
Eljan Birtanov eshkimnen jasyrynyp júrgen joq - Dáýren Abaev

«Ulttyq keńestiń keıbir múshelerine moraldyq qysym kórsetilip jatqanyn baıqap otyrmyn. Synaýshylarǵa qalaıda máseleniń sheshilgeninen góri synaǵan artyq bolyp tur. Prezıdent Keńestiń qurylatynyn jarııalaǵan kezdi eske túsirseńiz, bunyń qurǵaq ýáde ekenin aıtqan kúmánshiler paıda bolǵan edi. Alaıda, Keńes aqyry qurylǵany anyqtalǵannan keıin, álgiler «oǵan tek bılikke yńǵaıly adamdar enedi» desti. Áıtse de, Ulttyq keńes músheleri tizimi jarııalanǵannan soń skeptıkter jańa argýmentterdi izdestire bastady. Olar otyrysqa Toqaev qatyspaıdy, barlyq spıkerler tek kelisilgen baıandamany oqıdy, eshkim ótkir máselelerdi kótermeıdi dep sóz taratty. Al bolǵan shara – kúmánshilerdiń barlyq joramalyn joqqa shyǵardy», - dedi Dáýren Abaev «Habar» telearnasyndaǵy «Ashyq dıalog» baǵdarlamasynda.

Mınıstrdiń sózinshe, endi atalǵan tulǵalar kóterilgen bastamalar kúshine enbeıtindigi týraly aıta bastady.

«Biraq, qazirdiń ózinde memlekettik organdar aıtylǵan barlyq usynystardy taldaý ústinde», - dedi D.Abaev.

Eske sala ketsek, 6 qyrkúıekte elordada Ulttyq qoǵamdyq senim keńesiniń alǵashqy otyrysy ótti.

Otyrysqa Qazaqstan Prezıdenti Qasym-Jomart Toqaev qatysty. Ulttyq keńestiń quramy belgili memleket jáne qoǵam qaıratkerleriniń, saıası partııalar, úkimettik emes sektor ókilderiniń qatarynan qalyptasady. Qazaqstan Respýblıkasy Prezıdenti Ákimshiliginiń Basshysy, Qazaqstan Respýblıkasyndaǵy Adam quqyqtary jónindegi ýákil, Qazaqstan Respýblıkasyndaǵy Bala quqyqtary jónindegi ýákil, Qazaqstan kásipkerleriniń quqyqtaryn qorǵaý jónindegi ýákil óz laýazymdaryna sáıkes Ulttyq keńestiń quramyna kiredi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT