+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistandaǵy jarylys: Birneshe adam aýrýhanaǵa jetkizildi

2019 jylǵy 10 qyrkúıek 20:22
Bólisińiz:
Túrkistandaǵy jarylys: Birneshe adam aýrýhanaǵa jetkizildi

TÚRKІSTAN. QazAqparat – Túrkistan qalasynda «ROYAL GRAND HOTEL» qonaqúıiniń aýmaǵynda bolǵan jarylys saldarynan birneshe adamdy kúıik shaldy. Olar jergilikti aýrýhanaǵa jetkizildi, dep habarlaıdy QazAqparat tilshisi.

Oblystyq Tótenshe jaǵdaılar departamentiniń bastyǵy Nurǵalı Júnisovtiń sózinshe, tilsiz jaýdyń oryn alýyna gaz tsısternasynyń jarylýy sebep bolǵan.

«Bekzat Sattarhanov kóshesindegi qonaqúıde órt oryn alǵany týraly habarlama 18:05- da túsken. Oqıǵa ornyna kelgen kezde qonaqúıdiń shatyry jalyndap, ǵımarattyń birinshi qabatynyń oń jaq beti janyp jatqany anyqtaldy. Sonymen qatar qonaqúıdiń artqy jaǵynda gaz tsısternasyn toltyrý barysynda gaz tasymaldaıtyn avtokóliktiń jarylǵany málim boldy. Órtti sóndirýge 17 tehnıka men 75 sóndirýshi jumyldyryldy. Qazirgi tańda qaza bolǵandar anyqtalǵan joq», - deıdi Nurǵalı Júnisov.

Vedomstvo basshysynyń aıtýynsha, birneshe adam kúıik jaraqattarymen aýrýhanaǵa jetkizildi. Qosymsha aqparat keıinirek beriledi.

Ázirge belgilisi, órt 3 tonnalyq gaz tsısternasyn toltyrý kezinde shyqqan.

Sál keıinirek QR ІІM Tótenshe jaǵdaılar komıtetiniń resmı ókili Nursultan Nurahmetov málim etkendeı, jalynnyń taralýy 20.00-de toqtatylyp, 20.15-te tolyǵymen aýyzdyqtaldy.

Eske salaıyq, qonaqúı aýmaǵyndaǵy jarylys týraly buǵan deıin habarlaǵan bolatynbyz. Boljammen jalyn 1400 sharshy metr aýmaqty sharpydy. Polıtsııa qyzmetkerleri qonaqúı aýmaǵyn qorshaýǵa aldy.



Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT