+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Jastarǵa beriletin baspana: Baǵdarlamaǵa qalaı qatysýǵa bolady

2019 jylǵy 10 qyrkúıek 15:46
Bólisińiz:
Jastarǵa beriletin baspana: Baǵdarlamaǵa qalaı qatysýǵa bolady

NUR-SULTAN. QazAqparat – Ortalyq kommýnıkatsııalar qyzmetinde Nur-Sultan, Almaty men Shymkent qalalarynda jastarǵa beriletin jaldamaly páter baǵdarlamasyna qalaı qatysýǵa bolatyndyǵy aıtyldy, dep habarlaıdy QazAqparat tilshisi.

Uqsas jańalyqtar
Biz jastardyń armanyna jetýine kómektesip jatyrmyz - Baqytjan Saǵyntaev Dáýren Abaev Qazaqstannyń belsendi jastary týraly aıtty Qazaqstan NEET jastar úlesin 2021 jyly 6 paıyzǵa tómendetpek

«Elbasynyń tapsyrmasyna sáıkes, Nur-Sultan, Shymkent jáne Almaty qalalarynda keminde 1 myń jaldamaly páter salý sharalary qabyldanǵan. Keıin bul tapsyrma keńeıtilip, jastarǵa úsh qalada úsh myń páterge deıin salý jóninde tapsyrma berilgen bolatyn. Erejege sáıkes, birinshi kezekte 29 jasqa deıingi jas jigit nemese boıjetken resmı túrde Nur-Sultan, Almaty nemese Shymkent qalasynyń turǵyny bolýy tıis. Sondaı-aq, erejege sáıkes, jas adamnyń turaqty jumys oryny bolýy jáne jyljymaıtyn múlki bolmaýy kerek. Sebebi, biz jastarǵa óz turǵyn úıin satyp alý úshin bastapqy jarna jınaýǵa múmkindik berýimiz kerek», - dedi QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Madııar Qojahmet.



Komıtet tóraǵasynyń aıtýynsha, budan bólek úmitkerdiń bankte shoty bolýy tıis.

«Óıtkeni, onyń bastapqy jarnany jınaýǵa qyzyǵýshylyǵy bolýy qajet. Sonymen qatar, bul jobanyń maqsaty – jastarǵa óz turǵyn úıin alýǵa múmkindik berý. Úmitkerdiń qyzmettegi jetistikteri boıynsha tıisti kýálikterin rastaıtyn qujattaryn kórsetse qosymsha taǵy jeńildikter beriledi. Sonymen qatar, ótinish berýshiniń otbasy jáne balalary bolǵan jaǵdaıda qosymsha jeńildikter qarastyrylǵan», - dedi ol Ortalyq kommýnıkatsııalar qyzmetinde ótken baspasóz máslıhatynda.

Madııar Qojahmettiń aıtýynsha, jumys isteıtin jastarǵa arnalǵan jalǵa beriletin turǵyn úı baǵdarlamasy 2021 jylǵa deıin jumys isteıdi.

«Statıstıkalyq málimetterge súıensek, Qazaqstanda 29 jasqa deıingi 4 mln-ǵa jýyq jastar bar. Onyń ishinde 245 myńy Nur-Sultan qalasynda, 700 myńy Almatyda, 260 myńy Shymkent qalasynda turady. Tapsyrmaǵa sáıkes, osy úsh qalada keminde 3 myń páter tapsyrylady. Jyl saıyn úsh myń páter tapsyrylatyn bolsa, onda osy jýyq arada árbir qalada 9 myń páter tapsyrylýy tıis degen oıdamyz. Bul páterdi jalǵa berý merzimi bes jyl dep belgilenip otyr. Bul maqsatta bıýdjetten 21 mlrd teńge bólinip, úsh qalaǵa aýdarylǵan. Jergilikti atqarýshy organdar qazirgi tańda úı satyp alý máselesin qolǵa alyp jatyr», - dedi Madııar Qojahmet.



Jalǵa beriletin úıler jastarǵa satyp alý quqyǵysyz beriledi. Jalǵa berý baǵasy aıyna 10-12 myń teńge kóleminde bolady.

Eske sala ketsek, byltyr Jastar jylynyń ashylýyna arnalǵan saltanatty jıynda Elbasy Nursultan Nazarbaev Astana, Almaty jáne Shymkent qalalarynda jastar úshin jylyna 1 myń páter salynatynyn málim etken bolatyn.

Al byltyr kúzde Úkimettiń keńeıtilgen otyrysynda sol tustaǵy Indýstrııa jáne ınfraqurylymdyq damý mınıstri Jeńis Qasymbek (qazir - Premer-mınıstrdiń orynbasary) Astana, Almaty, Shymkent jumysshy jastaryna 1 myń páter salý mamyrda bastalatynyn habarlaǵan edi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT