+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

«Altaıdyń kók jaquty» jurtqa kórsetildi - Sheteldegi qazaq tildi BAQ-qa sholý

2019 jylǵy 24 tamyz 14:27
Bólisińiz:
«Altaıdyń kók jaquty» jurtqa kórsetildi - Sheteldegi qazaq tildi BAQ-qa sholý

ASTANA. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Beıjińde «Qytaıdyń bulbuly» atanǵan qazaq ánshisin eske alý sharasy ótti - Sheteldegi qazaq tildi BAQ-qa sholý Qytaıda turatyn qazaq qyzy halyqaralyq baıqaýǵa joldama aldy - Sheteldegi qazaq tildi BAQ-qa sholý Shapan kıip júrý uıat pa? - Óńirlik baspasózge sholý

Salmaǵy bir tonnaǵa jýyq «Altaıdyń kók jaquty» jurtqa kórsetildi - «Altaı aqparat» saıty

Qytaıdyń Altaı aımaǵynda tuńǵysh kezekti halyqaralyq «Altaıdyń altyn, asyl tas jáne mádenıet» kórmesi ashyldy, dep habarlaıdy altxw.com saıty.

Atalǵan aqparat kóziniń málimetinshe, uıymdastyrýshylar bul kórmede «Altaı – altyn, asyl tasymen áıgili» degen taqyrypty arqaý etip, 4 kórme alańynda 7 kúnge jalǵasqan aýqymdy túrli is-sharalar ótkizýdi josparlaǵan. Qazirgi kúni Altaıda 94 túrli ken orny anyqtalǵan. Bul búkil Qytaıdaǵy ken túriniń 54.65% ustaıdy.



«Altaıdyń «taýy altyn, sýy káýsár» degen ataǵy bar. Sondyqtan bolar halqaralyq kórmeni qyzyqtap, tamashalaýǵa týrıster men qonaqtar kóp jınaldy. Kórmeniń ashylý saltanatynda Qytaıdaǵy ekinshi úlken meteorıt jurtqa kórsetilip, oǵan «Altaı juldyzy» degen ataý berildi. Sonymen birge salmaǵy bir tonnaǵa jýyqtaıtyn «Altaı kók teńiz jaquty» da kópshilik kózaıymyna aınaldy. Kórmede jurttar qyzyǵa tamashalǵan «Altaı kók teńiz jaquty» 2002 jyly Altaıdyń Kóktoǵaı aýdanynan tabylǵan. Kórmege Altaıdyń altyny men túrli asyl tastary qoıyldy. Sondaı-aq, qonaqtarǵa qazaq halqynyń dástúrli mádenıeti de tanystyryldy», - dep jazady «Altaı aqparat» saıty.





Mońǵolııa astanasynda Qazaq kúresinen Azııa chempıonaty ótti - kaznews.mn



Qazaq kúresinen Azııa chempıonaty Mońǵolııa astanasy Ulanbatyr qalasynda ótti, dep jazady Mońǵolııanyń KAZNEWS aqparattyq portaly.

«Chempıonatqa 11 elden 130 sportshy qatysyp 44 medal úshin baqtaryn synady. Jarys eki kúnge jalǵasty. Japonııadan kelgen Sato Yuya 2019 jylǵy Azııa chempıonatynyń «úzdik sportshysy» atansa, Ýkraınalyq bapker Vıktor Kýropıotıık «úzdik tóreshi» atandy. +100 keli salmaqta Mońǵolııa balýandary Serik Berdimuratuly men túıe balýan D.Anar bas júldeni qanjyǵalady. Kórermender arasynda oınatylǵan loterııadan eń salymdy qonaq «Toyota prius 30» markaly avtokólikke ıe boldy», - dep jazady KAZNEWS.



Nylqy aýdanynda qazaqtildi aýdarmashy mamandardyń basyn qosqan alqaly jıyn ótti - Qytaıdyń «Ortalyq halyq radıosy» (CNR)



Іle Qazaq avtonomııaly oblysynyń Nylqy aýdanynda qazaqtildi aýdarmashy mamandardyń basyn qosqan ǵylymı konferentsııa ótti, dep jazady Qytaılyq kazakcnr.com saıty.



«Termınologııalyq jumystar ǵylym men tehnıkanyń, mádenıettiń jáne basqa da arnaýly salalardyń damýymen udaıy birge damyp túrlenip otyrady. Sondyqtan qazaqtildi aýdarmashy mamandar termınderdi birizdendirý, retteý maqsatynda Nylqy aýdanynda ǵylymı konferentsııa ótkizdi. Jınalysqa túrli saladaǵy qazaqtildi aýdarmashy mamandar men Qytaı ulttar aýdarma ortalyǵynyń qazaq bóliminiń mamandary qatysty. Ǵylymı konferentsııada til mamandary 400- den astam jańa ataý- termınder aýdaryp, tekserip bekitti», - dep jazady CNR.



«Altyn adam» Túrkııaǵa keledi - TRT



Qazaqstannyń arheologııalyq qazbalarynyń nátıjesinde shyǵarylǵan «Altyn adamnyń» buıymdary Túrkııaǵa keledi, dep jazady Túrkııa Radıo Televızııa portaly.

«Qazaqstan Respýblıkasy Ulttyq mýzeıi tarapynan bastalǵan «Altyn adamnyń álem elderine sherýi» atty halyqaralyq kórmesi aldymyzdaǵy aıda Ankarada ashylady. Anadoly Mádenıetteri mýzeıinde ashylatyn kórme 12 qyrkúıek kúni bastalyp, bir aı boıynsha ashyq bolady. 2500 jyl buryn ómir súrgen saq jaýyngerleriniń jáne basqa «Altyn adamdardyń» saq obasynan tabylǵan buıymdary kórmede oryn alady. «Altyn adamnyń álem elderine sherýi» atty halyqaralyq kórmesi osy jyldyń aıaǵyna deıin taǵy 5 elde ashylmaq», - dep jazady TRT.

Bulttar arasyndaǵy Naryn jaılaýy - Tıanshannet



Qytaıdyń Altaı aımaǵyna qarasty Qaba aýdanyndaǵy Naryn jaılaýy jaz aılarynda túrlenip, ózgeshe túske enedi, dep jazady «Tıanshannet» aqparattyq portaly.





«Qazaqtar qonystanǵan Qaba aýdanyndaǵy Naryn jaılaýy aǵash túri eń mol, kóp túrli baǵaly ósimdikter men ormandardan quralǵan. Jaz maýsymynda asqar taý, ný ormany ózgeshe túske enip, ózen sýlary syldyraı aǵyp, gúlderi qulpyryp jaıqala ósedi. Batys Sibir jaqtaǵy Taıga ormany bunda da bar. Nazarlaryńyzǵa osy kórkem tabıǵat kórinsterinen fotoreportaj usynamyz», - dep jazady Tıanshannet.



«Astana Balet» Tashkenttegi alǵashqy gastrolin «Uly dala murasy» atty baǵdarlamasymen ashty - «ÓzA» aqparattyq agenttigi



álem elderiniń iri qalalarynda kórermen kózaıymyna aınalǵan «Astana Balet», jańa maýsymdy yntyǵa kútken, klassıkany ańsaǵan Tashkent halqynyń yqylasyn ózine erekshe aýdardy, dep jazady Ózbekstannyń «ÓzA» memlekettik aqparattyq agenttigi.




«Uly tulǵalardyń ánderimen árlengen avtorlyq «Uly dala murasy» atty kontserttik baǵdarlamasymen bastalǵan qoıylymdar toptamasyn Tashkent jurty óte jyly qabyldady. Reseı, Qytaı, Frantsııa, Avstrııa, Koreıa, Japonııa, Vengrııa, Ázerbaıjan, Amerıka, Italııa, Belgııa, Belarýs syndy elderge gastroldik sapar jasaǵan «Astana Balet» teatyr ujymynyń Tashkenttik óner súıer qaýym, Ózbekstan astanasyna at basyn tiregenin kútkeni sonshalyqty Álisher Naýaıy atyndaǵy Ózbekstan memlekettik akademııalyq teatr zalynda ıne shanshyr oryn qalǵan joq. Kontserttik qoıylymdar sońyn mahabbat álemine sharlaıtyn, adam boıyna kirshiksiz sezimder men sheksiz serpilis berer «A Fuego Lento» bir aktili baleti túıindep berdi», - dep jazady ÓzA» memlekettik aqparattyq agenttigi.



Reseı alǵash ret ǵaryshqa adamǵa uqsas androıd tıptegi robot ushyrdy - «Fars» aqparat agenttigi



Reseı «Baıqońyr» ǵarysh aılaǵyndaǵy «Gagarın» platformasynan «Soıýz» ushqyshsyz ǵarysh kemesimen «Fedor» esimdi androıd tıptegi robotty alǵash ret ǵaryshqa ushyrdy, dep habarlaıdy parstoday aqparat agenttigi.

«Bul reseılik adamǵa uqsas robottyń halyqaralyq ǵarysh stantsııasynda atqaratyn alǵashqy mıssııasy. Ol 17 kún boıy reseılik ǵaryshkerlerdiń baqylaýynda jumys isteıdi dep kútilýde. Fedor ushar aldynda álemdegi birinshi ǵaryshker Gagarınniń «Kettik» degen ataqty sóılemin qaıtalady», - dep jazady parstoday.

Bizdiń kanalymyzǵa jazylyńyz:

Basty sózder: BAQ, Qoǵam,
Bólisińiz:

Avtor:

Baqytjol Kákesh

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT