24 tamyzda el aýmaǵynyń basym bóliginde jańbyr jaýyp, jel kúsheıedi

NUR-SULTAN. QazAqparat – «Qazgıdromet» RMK 24 tamyzǵa arnalǵan aýa raıy boljamyn usynady, dep habarlaıdy QazAqparat.

Uqsas jańalyqtar

Qazaqstannyń soltústik óńirinde -40 gradýsqa deıin aıaz túsedi

Elimizdiń alty óńirinde aýa raıyna baılanysty eskertý jarııalandy Qazaqstanda jeti oblys aýmaǵynda aýa raıyna baılanysty eskertý jarııalandy Aýa raıy: Soltústik Qazaqstan oblysy boıynsha eskertý jarııalandy

Senbide el aýmaǵynyń basym bóligi antıtsıklon yqpalynda bolady. Qazaqstannyń tek soltústik jáne ońtústik-shyǵys aýmaqtarynda atmosferalyq fronttardyń ótýine baılanysty jańbyr jaýady. Keı jerlerde jeldiń kúsheıýi kútiledi, burshaq jaýýy múmkin, soltústik jáne ortalyqtyń keı jerlerinde tuman túsedi.

Jambyl jáne Batys Qazaqstan, kúndiz Qyzylorda, Túrkistan oblystarynyń keı jerlerinde jel 15-20 m/s kúsheıedi, Túrkistan, kúndiz Qyzylorda oblystarynyń keı jerlerinde shańdy daýyl soǵady, Jambyl oblysynyń keı jerlerinde burshaq jaýýy yqtımal.

Qaraǵandy, túnde jáne tańerteń Qostanaı, Soltústik Qazaqstan, túnde Pavlodar oblystarynyń keı jerlerinde tuman kútiledi, kúndiz Pavlodar oblysynyń keı jerlerinde jeldiń jyldamdyǵy 18 m/s jetedi.

Kúndiz Atyraý, Aqtóbe oblystarynda, Mańǵystaý, Batys Qazaqstan oblystarynyń keı jerlerinde aptap ystyq saqtalady.

Qyzylorda, Túrkistan oblystarynda, Jambyl oblysynyń basym bóliginde, Qaraǵandy oblysynyń keı jerlerinde, Aqtóbe oblysynyń ońtústik bóliginde, Atyraý oblysynyń jekelegen aýdanynda óte joǵary órt qaýpi saqtalady.