+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Beıbit Atamqulov Germanııaǵa resmı saparmen bardy

2019 jylǵy 20 tamyz 13:59
Bólisińiz:
Beıbit Atamqulov Germanııaǵa resmı saparmen bardy

NUR-SULTAN. QazAqparat – QR Syrtqy ister mınıstri Beıbit Atamqulov Germanııaǵa resmı saparmen bardy, dep habarlaıdy QazAqparat SІM baspasóz qyzmetine silteme jasap.

Uqsas jańalyqtar
Brıýsselde Qazaqstan men EO qarym-qatynasy talqyǵa túsedi Italııa SІM orynbasary Qazaqstanǵa saparmen keledi Qazaqstan men Belgııa arasyndaǵy saıası konsýltatsııa ótedi

Qazaqstan men Germanııa aldaǵy ýaqytta sapaly jańa deńgeıge shyǵa alatyn memleketaralyq qatynastardyń barlyq kesheni boıynsha kóp josparly seriktestikti arttyrýǵa nıettenip otyr. Mundaı nátıjelerge QR Syrtqy ister mınıstri Beıbit Atamqulovtyń GFR-ǵa resmı sapary aıasynda nemis saıasatkerlerimen kelissózderiniń qorytyndysy boıynsha qol jetkizildi.

Qazaqstan SІM basshysy óziniń áriptesi – GFR Syrtqy ister mınıstri Haıko Maas, Federaldyq prezıdent vedomstvosynyń basshysy Shtefan Shtaınlıaın, «Germanııa – Ortalyq Azııa» parlamenttik dostyq tobynyń tóraǵasy, Býndestag depýtaty Manfred Grýnd, Ekonomıka jáne energetıka mınıstrliginiń Parlamenttik stats-hatshysy Tomas Baraıspen kezdesti.


Nemis ısteblıshmentiniń ókilderi elimizde bolyp jatqan ishki saıası oqıǵalarǵa joǵary baǵa berdi, táýelsiz Qazaqstannyń memlekettik qurylysyndaǵy Tuńǵysh Prezıdenti – Elbasy Nursultan Nazarbaevtyń aıryqsha rólin atap ótti. Olar syrtqy saıası baǵyttyń jalǵasy men jańa Prezıdent Qasym-Jomart Toqaevtyń júrgizip jatqan áleýmettik-ekonomıkalyq reformalaryn quptap, odan ári tabys tiledi.

Kezdesý barysynda B. Atamqulov pen H. Maas ekijaqty qarym-qatynastyń kópjaqty formattaǵy negizgi máselelerin talqylap, «saǵattardy salystyrdy».

Joǵary qyzmettegi nemis dıplomaty yntymaqtastyqtyń strategııalyq baǵyttaryn birlesip ázirleýge daıyn ekendigin bildirdi. Ol 180-myńdyq nemis dıasporasyn qoldaý jáne Qazaqstanda nemis tilin úırenýdi tanymal etip nasıhattaý úshin alǵysyn bildirdi. Taraptar jalpy bilim berý, ásirese dýaldy bilim salasyndaǵy yntymaqtastyqty tereńdetýge kelisti.


Sonymen qatar, joǵary deńgeıdegi baılanystardy jalǵastyrý jáne tıisti is-sharalardy uıymdastyrýdyń mańyzdylyǵy atap ótildi.

Mınıstrler sondaı-aq, Germanııa negizgi ról atqarýǵa múddeli Ortalyq Azııa boıynsha EO-nyń jańa strategııasyn iske asyrýdyń praktıkalyq baǵyttaryn qarastyrdy. Bul turǵyda taraptar Aýǵanstandaǵy jaǵdaıdy talqylady.

Eki mınıstr de birlesken baspasóz máslıhatynda sóz sóılep, Qazaqstan-German saıası baılanystar men ekonomıkalyq yntymaqtastyqtyń údemeli damýyna qanaǵattanýshylyq bildirdi.

Sh. Shtaınlıaınmen kelissózder barysynda saıası yntymaqtastyq máseleleri jónindegi syndarly pikir almasý ótti. SІM basshysy álemdik qaýymdastyqqa úsh dıalog negizinde jańa geosaıası shyndyqty qurý ıdeıasyn usynǵan Qazaqstannyń Tuńǵysh Prezıdenti - Elbasy N.Nazarbaevtyń bastamasyn atap ótti. Óz kezeginde Sh. Shtaınlıaın Germanııanyń derjavalar arasynda dıalog ornatýǵa múddeli ekenin atap ótti.


Býndestag múshesi M. Grýndpen kezdesý kezinde ekijaqty parlamentaralyq qatynastar máseleleri qozǵaldy. Mınıstr bizdiń el basshylyǵynyń halyqaralyq bastamalaryn únemi qoldaǵany úshin alǵysyn bildirdi. Osy turǵyda ol 23-24 qyrkúıekte Nur-Sultanda ótetin Eýrazııa elderi spıkerleriniń tórtinshi keńesiniń jumysyna Býndestag tóraǵasynyń birinshi orynbasary H.-P. Frıdrıh qatysatanyn qanaǵattanarlyqpen atap ótti. Nemis depýtaty Qazaqstanǵa 1996 jylǵy óziniń alǵashqy sapary týraly aıtyp, elimizdiń aǵymdaǵy damý deńgeıimen salystyra otyryp, N. Nazarbaevtyń zor rólin atap ótti.

German ekonomıkasy ókilderimen kelissózderde taraptar saýda aınalymynyń ósip kele jatqan kórsetkishterin oń baǵalady, ol 2018 jyly 5,1 mlrd AQSh dollaryn qurady (Germanııa statıstıkasyna sáıkes). Bul rette Qazaqstan Germanııanyń Ortalyq Azııadaǵy basty áriptesi bolyp tabylady – ótken jylǵy saýdanyń jalpy kólemi GFR-dyń óńir elderimen syrtqy saýda operatsııalary kóleminiń 85%-dan astamyn qurady. Aǵymdaǵy jyldyń sońyna deıin energetıka, mashına jasaý, JEK, hımııa, týrızm, kólik jáne aýyl sharýashylyǵy salasyndaǵy jańa jobalar kiretin eki memleket arasyndaǵy ekonomıkalyq jáne ónerkásiptik yntymaqtastyqtyń «Jol kartasyna» qol qoıý múmkindigi talqylandy.

Sońǵy 12 jylda Qazaqstanǵa Germanııadan 8,6 mlrd AQSh dollar kóleminde tikeleı ınvestıtsııalar tartyldy. 900-den astam birlesken kásiporyndar qurylyp, bul rette naryqta «Siemens», «WILO», «KNAUF», «BASF», «MetroCash&Carry», «OBI», «CLAAS», «Linde AG» sııaqty iri ınvestorlar jumys isteıdi.

Sapar barysynda B. Atamqulovtyń GFR kantsleri keńsesiniń, Germanııanyń syrtqy saýda palatalary qaýymdastyǵynyń basshylyǵymen kezdesýi, sondaı-aq nemis bıznesi kapıtandarymen «dóńgelek ústel» ótkizý josparlanýda.

Bizdiń kanalymyzǵa jazylyńyz:

Basty sózder: Eýropa, QR SІM,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT