+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

QR SІM qyrǵyz taýynda qıyn jaǵdaıda qalǵan alpınısterge qatysty derekterdi jarııalady

2019 jylǵy 19 tamyz 13:31
Bólisińiz:
QR SІM qyrǵyz taýynda qıyn jaǵdaıda qalǵan alpınısterge qatysty derekterdi jarııalady

NUR-SULTAN. QazAqparat – QR Syrtqy ister mınıstrliginiń resmı ókili Aıbek Smadııarov Qyrǵyzstan taýlarynda qıyn jaǵdaıǵa tap bolǵan Qazaqstan alpınısteri týraly aıtty, dep habarlaıdy QazAqparat tilshisi.

Uqsas jańalyqtar
Almatylyq alpınısterdi izdeý jumystary toqtatyldy Joǵalǵan alpınısterdi qalaı izdep jatqany týraly vıdeo jarııalandy Tıan-Shan taýynda joǵalǵan alpınıster tabylmaı jatyr – QR ІІM

«2019 jyldyń 17 tamyzynda Bishkektegi qazaqstandyq konsýldyqqa Qazaqstannyń 3 alpınısi Tıan-Shan taýynyń (Qyrǵyzstan, Ystyqkól oblysy) Pobeda shyńynda joǵalyp ketkendigi týraly aqparat tústi. Qazaqstan azamattary Murat Ótepbaev, Andreı Korneev jáne Aleksandr Chechýlınniń 4 tamyz kúni Pobeda shyńyna saparlap shyqqandyǵy anyqtaldy. Olardyń barlyǵy da kásibı jáne tájirıbeli alpınıster. 14 tamyzda alpınster atalǵan shyńdy baǵyndyrǵan. Sol kúni aýa raıy nasharlap ketken», - dedi Aıbek Smadııarov.

Mınıstrlik málimetinshe, alpınıster 15 tamyz kúni shamamen saǵat 08-15-te sońǵy ret baılanysqa shyǵyp, oryn alǵan jaıtqa qatysty dabyl qaqqan. Sondaı-aq, olar A.Chechýlınniń qaza tapqandyǵyn estirtken. Alpınıster dabyl qaqqan sátte olar 6 900 metr bıiktikte bolǵan. Shatyrlary men jabdyqtaryn jel ushyryp ketken. Olar qardan shuńqyr qazyp, soǵan jasyrynǵandyqtaryn aıtqan.

«Dıplomattarymyz jedel túrde bolǵan oqıǵa jaıynda Qyrǵyzstan TJM-i men Qazaqstan ІІM Tótenshe jaǵdaılar komıtetiniń kezekshilik bólimine habar bergen. 18 tamyzda atalǵan joryqty uıymdastyrǵan týrıstik kompanııaǵa tıesili tikushaq 18 tamyz kúni alpınıster joǵalǵan boljamdy aýdandy sholý úshin eki ret áýege kóterildi. Ókinishke oraı, nátıje joq. Sebebi taýda birneshe ret kóshkin júrip, atalǵan aýdandy qar basyp qalǵan», - dedi mınıstrlikten.

Vedomstvo aqparatyna sáıkes, qutqarý operatsııasyna atalǵan taýly aımaqta tikushaqtyń ne bári 4 500 metrde ǵana ushýyna ruqsat berilýi, sonymen qatar qolaısyz aýa raıy kedergi keltirýde. Qazirgi ýaqytta Qazaqstan elshiliginde jedel shtab qurylyp, ol joǵalǵan alpınısterdi izdeýge barynsha kómek kórsetip jatyr. Dıplomattar Qazaqstan men Qyrǵyzstannyń quziretti organdarymen jáne joǵalǵan alpınısterdiń týystarymen turaqty baılanysqa shyǵyp otyr. Konsýl men M.Ótepbaevtyń týystary túnimen Elshilikte bolyp, úılestirý máselelerin birlesip qarastyrdy. Qyrǵyz aýmaǵynda Qazaqstan tikushaqtarynyń ushýyna ruqsatty uıymdastyrý jumystary da júrgizilip jatyr. Qazaqstan tikushaqtary joǵalǵandardy izdeýge kómekke shaqyrylǵan Qazaqstan, Qyrǵyzstan jáne Reseıdiń kásibı alpınıster tobyn jetkizetin bolady. Bir izdeý tobyna tanymal alpınısshi Maqsut Jumaev jetekshilik etetindigi josparlanǵan.

Qazaqstan Syrty ister mınıstrligi alpınısterdi izdeý jumystaryn erekshe baqylaýynda ustap otyr. QR ІІM TJK jáne Qorǵanys mınıstrlikterimen birge qyrǵyz tarapymen jedel jumystardy júrgizip jatyr.

Eske salsaq, almatylyq alpınıster toby Qyrǵyz taýlarynda joǵalǵan bolatyn. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi. Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady. Sondaı-aq, QR Qorǵanys mınıstrligi alpınısterdi qutqarý operatsııasyn bastady.

Bizdiń kanalymyzǵa jazylyńyz:

Basty sózder: Qyrǵyzstan, QR SІM,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT