+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Soltústik Qazaqstan oblysynda balyqshy joǵalyp ketti

2019 jylǵy 8 tamyz 12:17
Bólisińiz:
Soltústik Qazaqstan oblysynda balyqshy joǵalyp ketti

PETROPAVL. QazAqparat – Soltústik Qazaqstan oblysynda eki kúnnen beri 62 jastaǵy er adamdy izdep jatyr, dep habarlaıdy QazAqparat tilshisi.

Uqsas jańalyqtar
Jitiqara qalasynda muz astyna túsip ketken eki bala kóz jumdy SQO-da eki balyqshy sýǵa ketti Reseıde bóget buzylyp, 12 adam opat boldy

Er adam 6 tamyz kúni balyq aýlaýǵa ketip, Qyzyljar aýdanynyń Sokolovka aýylynyń mańynda júrgende, odan habar úzilgen. TJD basshysynyń orynbasary Erik Sarybaev 7 tamyz kúni izdeý salynǵanyn jetkizdi. Balyqshyny izdeýge 30-dan astam qutqarýshy, polıtseı, erikti jumyldyrylǵan.

«Ázirge nátıje joq. Avıatsııa tehnıkasyn tartý máselesi sheshilip jatyr. Atpen de izdeımiz», - dedi Erik Sarybaev.

Aıta keteıik, qutqarýshylar osy aýdanda, Esil jaǵasyndaǵy demalys oryndarynyń birinen 7 tamyz kúni 25 jastaǵy jigitti izdegen. Kýágerlerdiń aıtýynsha, ol abaısyzda sýǵa qulap, batyp ketken. Tús aýa qutqarýshylar jigittiń denesin tapty.

E. Sarybaevtyń aıtýynsha, budan basqa taǵy birneshe adamǵa izdeý jarııalanǵan.

«Kóktemde Qyzyljar aýdanynyń Ivanov aýylynda er adam sýǵa ketti degen habar keldi. Biraq ol áli tabylǵan joq. Ony Esil ózeniniń jaǵasynan taǵy da izdeımiz. Ǵ. Músirepov aýdanynda eki adam ózen jaǵasyna baryp, ishimdik ishken. Biri úıine qaıtyp, ekinshisi habar-osharsyz ketken. Ol da tabylǵan joq», - deıdi E. Sarybaev.

Onyń aıtýynsha, bıyl shomylýǵa barǵan 6 adam sýǵa batyp ketken. Sonyń úsheýi – jas bala. Budan bólek, sýǵa batqan 24 adam, sonyń ishinde 16 bala qutqarylǵan.

Qutqarýshylar spırtti ishimdik iship sýǵa túspeýge, sý aıdyndaryn paıdalaný erejelerin saqtaýǵa shaqyrady.

Aıta keteıik, óńirde shomylý maýsymy áli aıaqtalǵan joq. Sınoptıkter aldaǵy demalys kúnderi 30 gradýsqa deıin kún ysıdy dep boljap otyr.

Avtory Olesıa Jýkoven

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT