+7 (701) 759 90 19 Lenta
USD 387.34 EUR 428.44
RUB 6.04 CNY 54.58
Jańalyqtar

«Denıstiń dostary» Almatyda muzdy shoý ótkizdi

2019 jylǵy 20 shilde 22:40
Bólisińiz:
«Denıstiń dostary» Almatyda muzdy shoý ótkizdi

ALMATY. QazAqparat – Almatyda tanymal qazaqstandyq sportshy Denıs Tendi eske alýǵa arnalǵan muzdy shoý ótti, dep habarlaıdy QazAqparat Ulttyq olımpıada komıtetine silteme jasap.

Uqsas jańalyqtar
Denıs Tenniń aramyzdan ketkenine bir jyl boldy

Oǵan «Denıstiń dostary» baǵdarlamasynda álemdik mánerlep syrǵanaý sportynyń juldyzdary qatysty. Muzdy shoý Denıske jol kórsetip, baǵyt siltegen bapkerlerge qurmet kórsetýden bastaldy. Jankúıerler Frenk Kerroll men Elena Býıanovany (Vodorezova) qurmetpen qarsy aldy.

Sondaı-aq, Almaty qalasynyń ákimi Baqytjan Saǵyntaev pen Qazaqstan UOK prezıdenti Tımýr Qulybaev keshtiń qadirli qonaqtary qatarynda boldy. Álemdik mánerlep syrǵanaý sportynyń juldyzdaryn Qazaqstanǵa shaqyryp, shoý uıymdastyrýdy Denıstiń ózi bastaǵan bolatyn. Alǵash ret elimizdegi muzdy shoý 2013 jyly uıymdastyryldy. «Denıs pen onyń dostary» dep atalatyn shoý-baǵdarlama qazaqstandyqtar ǵana emes, sheteldikter arasynda da úlken tanymaldyqqa ıe boldy.

Shoýdy tamashalaý úshin álemniń birneshe memleketinen týrıster arnaıy Qazaqstanǵa keletin. Al shoý qatysýshylary «Denıs pen onyń dostary» joǵary deńgeıde uıymdastyrylatyn, mánerlep syrǵanaý álemindegi teńdessiz jobalardyń biri ekenin alǵa tartady. Denıs uıymdastyrǵan árbir shoý qyzyqqa, shynaıylyqqa toly bolatyn. Eń bastysy – halyqty bir arnaǵa toǵystyryp, Qazaqstandy birligi jarasqan el retinde kórsetý týraly úlken armany saqtaldy. Búginde onyń bastaǵan isi aıaqsyz qalǵan joq. Chempıondy eske alý úshin bıyl da jankúıerler men onyń dostary, mánerlep syrǵanaý sportynyń juldyzdary Almatyǵa jınaldy.

Arnaıy uıymdastyrylǵan is-sharaǵa Mao Asada, Elena Radıonova, Keıtlın Vıver, Endrıý Poje, Ivan Býkın, Aleksandra Stepanova, Mýra Takahıto, Sergeı Voronov, Marı Per Leraı, Sofıa Shevchenko, Egor Eremenko, Dabın Choı, Djeremı Ebbot syndy Denıstiń dostary jınaldy.

Bizdiń kanalymyzǵa jazylyńyz:

Basty sózder: Almaty, Sport, Qoǵam, Denıs Ten,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT