+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Premer-Mınıstr iri munaı jobalaryndaǵy otandyq qamtylym jóninde keńes ótkizdi

2019 jylǵy 17 shilde 22:38
Bólisińiz:
Premer-Mınıstr iri munaı jobalaryndaǵy otandyq qamtylym jóninde keńes ótkizdi

ATYRAÝ. QazAqparat – Atyraý oblysynda jumys saparymen júrgen QR Premer-Mınıstri Asqar Mamın iri munaı jobalaryndaǵy otandyq qamtylymǵa qatysty jáne munaı-gaz salasyndaǵy mashına jasaýdy damytý jóninde keńes ótkizdi, dep habarlaıdy QazAqparat.

Keńesti ashqan Úkimet basshysy iri jobalardaǵy operatorlardyń satyp alýlaryndaǵy jergilikti qamtýdyń úlesi ósip kele jatqanyn atap ótti.

«Jergilikti qamtylymdy damytýǵa qatysty naqty taýarlar boıynsha alsaq ol jetkilikti kólemde paıdalanylmaı keledi. Taýarlar satyp alýda jergilikti qamtý Teńiz kenishinde 5%, Qarashyǵanaqta 12%, Soltústik Kaspıı jobasynda 27,3% ǵana. Bul jaǵdaı is júzindegi sharalardy qajet etedi, bul joba operatorlary tarapyna da qatysty», - dedi Asqar Mamın.

Premer-Mınıstr jıynǵa qatysýshylardyń nazaryn qural-jabdyqtardy Qazaqstanda óndirýge aýdardy.

«Memlekettik organdar iri jobalarǵa taýar, jumys jáne qyzmet satyp alýlarda jergilikti taýar óndirýshilerdiń teń dárejede qatysýyna jaǵdaı jasaýy kerek. Energetıka, Indýstrııa jáne ınfraqurylymdyq damý mınıstrlikterine sáıkesinshe memlekettik organdarmen osy mindetterdi júzege asyrý úshin qajetti sharalardy qabyldaýdy tapsyramyn. Onyń ishinde zańnamalyq tustary da bar», - dedi Premer-Mınıstr.

Otandyq qamtylym men munaı-gaz salasyndaǵy mashına jasaýǵa qatysty máselelerdi talqylaýǵa arnalǵan jıynǵa birqatar mınıstr men «Teńizshevroıl» JShS, NCOC, «Qarashyǵanaq Petrolıým Opereıtıng», elimizdegi munaı operatsııalaryn júrgizetin kompanııalardyń basshylary qatysty.


Avtory A.Sokolov

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT