+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Asqar Mamın Tájikstanmen saýda-ekonomıkalyq yntymaqtastyqty arttyrý boıynsha kelissózder júrgizdi

2019 jylǵy 12 shilde 09:38
Bólisińiz:
Asqar Mamın Tájikstanmen saýda-ekonomıkalyq yntymaqtastyqty arttyrý boıynsha kelissózder júrgizdi

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın resmı saparmen Tájikstan Respýblıkasyna bardy, dep habarlaıdy primeminister.kz.

Dýshanbede Qazaqstan Premer-Mınıstri Tájikstan Prezıdenti Emomalı Rahmonmen kezdesý ótkizdi. Kezdesýde ekijaqty saýda-ekonomıkalyq yntymaqtastyqtyń ózekti máseleleri talqylandy.

«Qazaqstanda Sizdiń qurmetti qonaq retinde Joǵary Eýrazııalyq ekonomıkalyq keńestiń mereıtoılyq otyrysqa qatysqanyńyzdy jylylyqpen eske alady, - dedi Asqar Mamın. - Qazaqstan Tájikstanmen ózara tıimdi kópjosparly seriktestikti keńeıtýge múddeli».

Sonymen qatar TR Premer-Mınıstri Kohır Rasýlzodamen úkimetaralyq kelissózder ótti. Kelisózder barysynda qazaqstandyq-tájikstandyq yntymaqtastyqty tereńdeý keleshegi qaraldy. 2018 jyly elderdiń ekijaqty saýda kólemi 8,2%-ǵa artty, saýda aınalymy $900 mln qurady. Sonymen qatar, Qazaqstan men Tájikstan arasyndaǵy avtomobıl kóligimen eksporttyq-ımporttyq tasymaldaý kólemi 2,9 ese ósip, 16,9 mln tonnany qurady.
null

Tájikstan Premer-Mınıstri Kohır Rasýlzoda Qazaqstannyń taýar aınalymy boıynsha Tájikstannyń ekinshi seriktesi bolyp otyrǵanyn aıtty. Sonymen qosa, Qazaqstannyń Tájikstannyń basty saýda seriktesine aınalýy boıynsha zor perspektıvalar bar. Osy maqsatta Qazaqstan jáne Tájikstan Úkimetteri aldaǵy 3-4 jylda ózara saýda kólemin $2 mlrd-qa deıin arttyrý úshin jumystar júrgizýde.

Taraptar qazaqstandyq ónimderdi jetkizý kólemin arttyrý jáne nomenklatýrasyn keńeıtý boıynsha qol jetkizilgen ýaǵdalastyqtardy iske asyrýdy jalǵastyrý nıetin rastady. Aýyl sharýashylyǵy, ónerkásiptik kooperatsııa, energetıka, kólik jáne kommýnıkatsııalar salalaryndaǵy ınvestıtsııalyq ózara is-qımyl tetikterin jetildirýge kóńil bólindi.

«Biz bizdiń ınvestıtsııalyq yntymaqtastyǵymyzdy birlesken ınvestıtsııalyq jobalardy jasaý arqyly arttyrýǵa ázirmiz», - dedi Asqar Mamın.
null

*****

QR Premer-Mınıstri Asqar Mamınniń Tájikstanǵa resmı sapary aıasynda jalpy somasy $80 mln-nan asatyn, qazaqstandyq-tájik yntymaqtastyǵyn nyǵaıtýǵa baǵyttalǵan 11 qujatqa qol qoıyldy:

  • $35 mln-ǵa Eýrazııalyq Damý Banki, «Rohı Ohanı Tochıkıston» MÝK jáne «ESK «KazakhExport» AQ arasyndaǵy yntymaqtastyq týraly kelisimge;
  • $20,7 mln-ǵa «Agromashholdıng» AQ, «Tadjıkselhozlızıng» RMÝK jáne «ESK «KazakhExport» AQ arasyndaǵy yntymaqtastyq týraly kelisimge;
  • $16 mln-ǵa «Dýstı 2017» JShQ jáne «ESK «KazakhExport» AQ arasyndaǵy yntymaqtastyq týraly kelisimge;
  • $6 mln-ǵa «Azyq-túlik kelisim korporatsııasy» UK» AQ jáne Tájikstan Respýblıkasynyń Úkimeti janyndaǵy Memlekettik materıaldyq rezervter agenttiginiń arasyndaǵy qazaqstandyq bıdaıdy jetkizýge shekti kelisimge;
  • $1,5 mln-ǵa «Hyindai Trans Avto Kazakhstan» jáne «Holdıng Azııa Grýpp Tadjıkıstan» JAQ arasyndaǵy evakýatorlar, týrıstik avtobýstar jetkizýge kelisimge;
  • $1 mln-ǵa «PALLANT TRADE» JShS jáne «Tadjero» JShQ dıstrıbıýtorlyq kompanııasy arasyndaǵy konservilengen ónimdi jetkizý týraly kelisimshartqa;
  • $655-ǵa «SaryarkaAvtoProm» JShS men «Holdıng Azııa Grýpp Tadjıkıstan» JAQ arasyndaǵy Jac markaly 50 mashınany jetkizý týraly kelisimshartqa;
  • «Azyq-túlik kelisim korporatsııasy» UK» AQ jáne Tájikstan Respýblıkasynyń Úkimeti janyndaǵy Memlekettik materıaldyq rezervter agenttiginiń arasyndaǵy yntymaqtastyq týraly kelisimge;
  • «Sıtabr Agro» JShQ jáne «Continental Agro Trade» JShS arasyndaǵy aýyl sharýashylyǵy ónimderimen saýda salasyndaǵy ózara túsinistik jáne yntymaqtastyq týraly memorandýmǵa;
  • «Metal Invest» JShQ jáne «Continental Agro Trade» JShS arasyndaǵy aýyl sharýashylyǵy ónimderimen saýda salasyndaǵy ózara túsinistik jáne yntymaqtastyq týraly memorandýmǵa;
  • «Qazaqstan temir joly» Ulttyq kompanııasy» AQ jáne «Rohı ohanı Tochıkıston» MÝK arasyndaǵy kelissózder hattamasy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT