+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Asqar Mamın Shymkenttegi iri júıe quraýshy kásiporyndardy aralady

2019 jylǵy 11 shilde 09:40
Bólisińiz:
Asqar Mamın Shymkenttegi iri júıe quraýshy kásiporyndardy aralady

NUR-SULTAN. QazAqparat - QR Premer-Mınıstri Asqar Mamın jumys saparymen Shymkent qalasyna baryp, onda QR Tuńǵysh Prezıdenti - Elbasy Nursultan Nazarbaevtyń megapolısti damytý boıynsha qoıǵan startegııalyq mindetterdiń oryndalý barysymen jáne Memleket basshysy Qasym-Jomart Toqaevtyń saılaýaldy baǵdarlamasynyń iske asyrylýymen tanysty.

Bul týraly primeminister.kz saıtynda habarlandy.

Atap aıtqanda, Asqar Mamın metallýrgııa, farmatsevtıka, tamaq ónerkásibi, kólik ınfraqurylymyn damytý salalaryndaǵy ınvestıtsııalyq jobalardyń iske asyrylý barysyn tekserdi.

Kelgen bette Asqar Mamın Shymkent qalasyndaǵy áýejaıdyń jańa termınalynyń jobasymen tanysty. Qurylys jumystary a.j. shilde aıynda bastalǵan, 2020 jyly mamyr aıynda aıaqtalady. Qala ákimdiginiń málimetterinshe, syıymdylyǵy saǵatyna 400 jolaýshy bolatyn termınaldy paıdalanýǵa berý jolaýshylar aǵymyn 10 ese arttyrady.

QR Úkimetiniń basshysy «Hımfarm» zaýytyna baryp, onda otandyq farmatsevtıkalyq ındýstrııanyń damý qarqynyn tekserdi. Kásiporynda dári-dármekterdiń 71 túri óndiriledi, bul kepildendirilgen tegin medıtsınalyq kómek kóleminiń aıasynda satyp alynatyn dári-dármekterdiń jalpy kóleminiń úshten bir bóliginen astamyn quraıdy.

Kásiporyndy aralaý aıasynda Qazaqstan Premer-Mınıstri ınektsııalyq preparattar men ınfýzııalyq eritindilerdi óndirý boıynsha tsehtyń jaraqtandyrylýyn kórdi, sondaı-aq «Modeldik tsıfrlyq fabrıkalar» jobasynyń aıasynda iske qosylǵan Tsıfrlyq ınjenerlik jáne bilim berý ortalyǵynyń jumysyn baǵalady. Qazirgi kezde halyqaralyq standarttarǵa sáıkes jumys istep turǵan farmatsevtıkalyq óndiristerdi jańǵyrtý boıynsha $108 mln somasyna asa iri ınvestıtsııalyq joba iske asyrylýda.
null

Shymkent qalasy Qazaqstannyń iri ónerkásiptik ortalyqtarynyń biri. Óńirde ónerkásiptik óndiris kólemin arttyrý boıynsha júrgizilip jatqan jumystarmen tanysý maqsatynda Asqar Mamın ındýstrııalyq-ınnovtsııalyq damý memlekettik baǵdarlamasy aıasynda iske qosylǵan «Ońtústik» ındýstrııalyq aımaǵy aýmaǵyndaǵy «Shymkent Temir» eksportqa baǵyttalǵan kásiporynǵa bardy. Metallýrgııa zaýytynyń jobalyq qýattylyǵy - jylyna 250 myń tonna bolat daıyndama.

Osy jerde QR Premer-Mınıstrine Túrkistan oblysyndaǵy qýattylyǵy jylyna 1 mln tonna temir bolatyn taý-ken-metallýrgııa kesheni qurylysynyń jobasy tanystyryldy. Atap aıtqanda, tikeleı qalpyna keltiriletin temir óndiretin zaýyt pen ken baıytý fabrıkasynyń qurylysy kózdelgen.

Óńir ekonomıkasyn damytýda «qarapaıym zattar ekonomıkasyna» erekshe ról berilgen. QR Úkimetiniń basshysy «Rahat-Shymkent» JShS-yna baryp, tamaq ónimderiniń óndiris protsesin kórdi.

Zamanaýı jabdyqtarmen jaraqtalǵan fabrıka jylyna 24 myń tonnaǵa deıin 30 ataý boıynsha 4 túrli kondıterlik ónimder shyǵarady. QR Premer-Mınıstri Asqar Mamınge 2020 jyly marmelad pen qantty pechene shyǵaratyn jańa jelini iske qosý boıynsha ınvestıtsııalyq jobany júzege asyrý josparlanyp otyrǵany týraly baıandaldy.
null

Aralaý qorytyndysy boıynsha QR Úkimetiniń basshysy qala ákimine Shymkent q. damýynyń 2023 jylǵa deıingi Keshendi josparyn tıimdi oryndaýdy qamtamasyz etý boıynsha barlyq qajeti sharalardy qabyldaýdy tapsyrdy. Investıtsııalyq jobalardy iske asyrý, shyǵarylatyn ónim nomenklatýrasyn keńeıtý jáne óndiris kólemin ulǵaıtý boıynsha bıznes-qaýymdastyqpen jumysty jandandyrý tapsyryldy. Bul óńirdiń JÓÓ kólemin 2018 jylǵy 2 trl-nan 2023 jylǵa qaraı 3,5 trln-ǵa deıin arttyrýǵa múmkindik beredi.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT