+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Tuńǵysh ret 24 jastaǵy dzıýdo bapkeri halyqaralyq dárejedegi tóreshi atandy

2019 jylǵy 10 shilde 13:15
Bólisińiz:
Tuńǵysh ret 24 jastaǵy dzıýdo bapkeri halyqaralyq dárejedegi tóreshi atandy

AQTAÝ. QazAqparat - Mańǵystaýlyq dzıýdo bapkeri Jomart Qoblanov Halyqaralyq dárejedegi tóreshi atandy, dep habarlaıdy Qazaqparat tilshisi.

Ol Halyqaralyq dzıýdo federatsııasynyń uıymdastyrýymen Taıland memleketiniń Chıang-Maı qalasynda ótken tóreshilerdiń synaq emtıhanynan súrinbeı ótken.

Jomart Qoblanov dzıýdo sportyna 7 jasynda kelgen. 6 jyldan beri tóreshilikpen aınalysady. Úsh jyl buryn «Ulttyq dárejedegi tóreshi» atanǵan. Endi, mine, halyqaralyq dárejedegi tóreshi atandy. Jomart Qoblanov - bul ataqqa 25 jasqa jetpeı qol jetkizgen tuńǵysh qazaqstandyq tóreshi.null

Taıland memleketiniń Chıang-Maı qalasynda ótken emtıhanǵa álemniń túkpir -túkpirinen 25-50 jas aralyǵyndaǵy 50 tóreshi barǵan. Olardyń ekeýi qazaqstandyq. Onda tóreshiler aldymen kúrestiń tehnıkasy boıynsha synaq tapsyryp, bilikti mamandarmen áńgimelesýden ótken.

«Jaqsy tapsyrdyq, birinshi aǵylshynshamyzdy tekserdi. Suraqtar qoıady ártúrli sol suraqtarǵa súrinbeı jaýap berý kerek jáne de tatamıge shyqqan kezde ádister kórsetedi, qyr-syryn durystap kórsetý kerek. Sonyń bárin kórsetip, 100 upaı aldym»,-deıdi Jomart Qoblanov.null

Eki kezeńdik emtıhan aıaqtalǵan soń, tóresheler jarysta qazylyq etken. Sol jarysta bilimi men biligin kórsetip úzdik shyqqandary "Halyqaralyq dárejedegi tóreshi ataǵyna" ıe bolǵan.

«Jomart Qoblanov Qazaqstan boıynsha da, álem boıynsha da eń jas halyqaralyq dárejedegi tóreshi ataǵyn aldy. Olaı deıtinimiz, halyqaralyq dárejedegi tóreshi ataǵy 25 jastan asqan mamandarǵa beriledi. Bizdiń Jomart 2-3 aıdan keıin 25 jasqa tolady. 24 jasynda bul dárejege jetý tarıhta birinshi ret bolyp tur. Ol úshinde qýanamyz», - deıdi «Jas batyr» mamandandyrylǵan balalar men jasóspirimder sport mektebiniń dırektory Manarbek Bısekenov.

Jomart Qoblanov endi bul ataqpen jasóspirimder arasyndaǵy Azııa, Eýropa chempıonattarynda qazylyq ete alady.

Jomart Mańǵystaýda "Halyqaralyq dárejedegi tóreshi ataǵyna" ıe bolǵan úshinshi tóreshi buǵan deıin Ádil Bısenqul men Talǵat Esekenovte osy atqa qol jetkizgen.

null

Bizdiń kanalymyzǵa jazylyńyz:

Bólisińiz:

Avtor:

Láılim Álim

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT