Shymkentte 1200 oryndyq jekemenshik mektep ashyldy

ARYS. QazAqparat - Búgin Shymkent qalasynda jekemenshik jańa mektep paıdalanýǵa berildi. Abaı Qunanbaevtyń 175 jyldyq mereıtoıyna oraı jańadan salynǵan bilim mekemesine uly aqynnyń esimi berildi, dep habarlaıdy QazAqparat tilshisi.

Bilim uıasynyń ashylý saltanatyna qala ákimi Ǵabıdolla Ábdirahymov qatysyp, jańa mekteptiń ashylýymen quttyqtady. Jańa mektepte balalardyń tolyqqandy bilim alýyna, salaýatty ómir saltyn qalyptastyrýǵa barlyq jaǵdaı jasalǵan. Bilim ordasynda oqýshylardyń qolónermen, tigin tigýmen aınalysýyna, túrli óner úıirmeleri men sporttyq sharalarǵa qatysýyna múmkindigi bar.

Aıta keteıik, QR Bilim jáne ǵylym mınıstrliginiń jańa júıesi boıynsha osyndaı jekemenshik salynǵan mektepterge memlekettik tapsyrys boıynsha jan basyna shaqqanda qarajat tólenedi. Búginde bul júıege qaladaǵy birqatar mektepter kóshken. Máselen, 2018-2019 oqý jylynda qaladaǵy 11 jekemenshik mekteptiń 4200 oqýshysy memlekettik satyp alý aıasynda qarjylandyrylǵan.