Shymkentte jeti metrlik «Dombyra» eskertkishi ornatyldy

ShYMKENT. QazAqparat - Shymkentte «Ulttyq dombyra kúni» merekesine oraı «Dombyra» eskertkishiniń ashylý saltanaty ótti, dep habarlaıdy qala ákiminiń baspasóz qyzmeti.

Sharaǵa qatysqan qala ákimi Ǵ.Ábdirahymov qasıetti qara dombyra - qazaqtyń rýhy jáne bolmysy ekenin atap ótti.

«Túrkistan» saraıynyń alańynda ulttyq aspabymyzdy ulyqtaý maqsatynda ornatylǵan eskertkishtiń avtory - Shymkent qalasynyń sýretshiler odaǵy. Týyndynyń bıiktigi 7,5 metr, eni 1,5 metr.

Eskertkishtiń bir ereksheligi - janyna jaqyndaǵan kezde qazaqtyń kúıi oryndalady. Shymkenttikter endi munda 30-ǵa jýyq kúı tyńdap, aspaptyń qońyr úninen tamasha áser ala alady.

Merekelik sharada jergilikti ónerpazdar san syrly kúı áýenimen tyńdarmandarǵa erekshe kóńil-kúı syılady.

Eske salsaq, Elbasy Nursultan Nazarbaev shildeniń birinshi jeksenbisin «Dombyra kúni» dep belgilep, 2018 jyly 13 maýsym kúni jarlyqqa qol qoıǵan bolatyn.