Polpharma kompanııalar toby Shymkentte oqý ortalyǵyn ashady

NUR-SULTAN. QazAqparat - Polpharma kompanııalar toby baqylaý keńesiniń prezıdenti Ejı Starak Qazaqstandaǵy jańa bastamalary týraly málimet berdi, dep habarlaıdy QazAqparat tilshisi.

QR Prezıdenti janyndaǵy sheteldik ınvestorlar keńesinde sóz alǵan Ejı Starak Shymkent qalasynda oqytý ortalyǵyn ashatynyn málim etti.

«Biz - Qazaqstannyń «Tsıfrlyq ınýdstrııa 4-0» baǵdarlamasyna qatysqan tuńǵysh ári jalǵyz farmatsevtıkalyq modeldeý fabrıkasy bolyp otyrmyz. Bıyl Shymkentte ınjenerlik oqý ortalyǵyn ashý boıynsha jańa bastamany qolǵa aldyq», - dedi Ejı Starak.

Onyń sózine qaraǵanda, atalmysh ortalyq óndiris protsesterin pysyqtaıtyn jattyǵý alańyna aınalýy tıis.

«Atalmysh ortalyq úsh ólshemdi prınterlermen jabdyqtalǵan. Sonyń arqasynda qosalqy bólshektermen qamtý máselesi ózdiginen sheshilgen. Qyzmetkerlermen stýdentter bul ortalyq bazasynda «tolyqtyrylǵan shyndyq» tehnologııasyn qoldana otyryp, biliktiligin arttyratyn bolady. Elbasy Nursultan Nazarbaevtyń jastardy eńbek naryǵynda eńbekke qabiletti etip baýlý týraly 2019 jyly júktegen tapsyrmalaryn tolyqtaı qoldaımyz», - dedi ol.