Shymkent qalasynyń ákimdigi Arystaǵy 694 úıdi qalpyna keltiredi

ShYMKENT. QazAqparat - Shymkent qalasynyń əkimi Ǵabıdolla Əbdirahymov Aryqa baryp, qalany qalpyna keltirý shtabynda boldy, dep habarlaıdy QazAqparat tilshisi.

Qazirgi tańda Arys qalasy 17 sektorǵa bólinip, ondaǵy jóndeý jumystaryna respýblıkanyń 16 oblysynan jáne Nur-Sultan, Almaty, Shymkent qalalarynan 170 arnaıy brıgada tartylyp otyr. 1194 qurylysshy jóndeý jumystaryn bastap ketti. Olar turǵyn úılerdi baǵalaý jumystaryn júrgizip, 435 úıdi qaıta qalpyna keltirýde.

«Shymkent qalasyna 10 sektor bólingen, onda 694 úı bar. Olardyń smetasy tolyq jasalyp, jóndeý jumystary bastalyp ketti. Qurylys jumystary meniń turaqty baqylaýymda, ol aldaǵy bir aıda tolyq aıaqtalatyn bolady», - dedi Ǵabıdolla Əbdirahymov.

Eske salsaq, Arys qalasy men qala mańynda 8867 úı bar. Sonyń 6127 úıi jarylystan zardap shekken. 27 úı tolyqtaı qaıtadan salynady.Búginde jaramsyz kúıge túsken jáne zaqym kelgen úılerdi tirkeý, shyǵynyn esepteý sharalary júıelenýde. Árbir oblys, árbir aýdan, qalam ákimdikteri ózderine bólingen aýmaqta jumysty bastady.