+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

SQO-da dinı ádebıetti zańsyz taratqandar jazaǵa tartyldy

2019 jylǵy 25 maýsym 05:30
Bólisińiz:
SQO-da dinı ádebıetti zańsyz taratqandar jazaǵa tartyldy

PETROPAVL. QazAqparat - Soltústik Qazaqstan oblysynda dinı kitaptardy zańsyz taratyp kelgender áshkerelenip, ákimshilik jaýapqa tartyldy, dep habarlaıdy QazAqparat tilshisi.

SQO PD baspasóz qyzmetiniń habarlaýynsha, óńirde jyl basynan beri dinı ádebıet pen dinı mazmundaǵy aýdıo-beınejazbalardy ınternet jelisinde taratqan segiz adam ákimshilik jaýapqa tartyldy. Ekstremızmge qarsy is-qımyl basqarmasynyń qyzmetkerleri osyndaı derekterdi anyqtaý maqsatynda ınternet-resýrstardy únemi baqylaýda ustap otyrady.

Nátıjesinde tártip saqshylary «salafızm» destrýktıvti dinı baǵytyn ustanatyn Petropavl qalasynyń turǵynyn anyqtady. Ol «WhatsApp» jelisi arqyly dinı mazmundaǵy túrli jazbalardy taratyp kelgen. Ol osy áreketimen QR Ákimshilik quqyq buzýshylyq týraly kodeksiniń 490-babyn buzǵan.

Osy baǵytty ustanǵan taǵy bir petropavldyq «VKontakte» áleýmettik jelisine tirkelip, óz paraqshasynda Islamnyń qaǵıdalaryn teris túsindirgen sheteldik destrýktıvti ýaǵyzdaýshylardyń aýdıolektsııalaryn ashyq túrde ornalastyrǵan. Endi ol dinı mazmundaǵy materıaldardy taratqany úshin 126 myń teńge shamasynda aıyppul tóleıdi.

«Destrýktıvti dinı aǵymdy ustanýshylar múddelester qataryn arttyrý úshin eshteńeden taıynbaı psıhologııalyq túrli ádis-tásilderdi qoldanady. Sol sebepti ınternet-resýrstardyń barlyq paıdalanýshylardy áleýmettik jelilerde tanysý kezinde saq bolýdy, ınternet arqyly dinı mazmundaǵy ádebıetterdi satyp almaýdy, dinı sıpattaǵy kúmándi qaýymdastyqtar men toptardyń quramyna kirmeýin suraımyz», - deıdi SQO PD Ekstremızmge qarsy is-qımyl basqarmasynyń bastyǵy Rýslan Muhambetjanov.

Mamandardyń aıtýynsha, óńirde dinı mazmundaǵy ádebıetti satýǵa jergilikti atqarýshy organnyń ruqsaty bar 12 saýda orny jumys isteıdi. Onyń bireýi Aıyrtaý aýdanynyń Saýmalkól aýylynda, qalǵany Petropavlda ornalasqan.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT