+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Qyzylordada latyn álipbıi jóninde semınar ótti

2019 jylǵy 20 maýsym 04:18
Bólisińiz:
Qyzylordada latyn álipbıi jóninde semınar ótti

QYZYLORDA. QazAqparat - Qyzylorda oblysy Qazaly aýdanynda «Ahmet Baıtursynuly muralary jáne latyn álipbıi» taqyrybynda oblystyq semınar ótti, dep habarlaıdy QazAqparat tilshisi.

Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasy qolǵa alyndy. Semınar Qazaly aýdanyndaǵy №170 orta mektep bazasynda uıymdastyryldy. Oǵan oblystyq «Rýhanı jańǵyrý» ortalyǵynyń dırektory, tarıh ǵylymynyń kandıdaty Nurlybek Myńjas, «Órleý» BAUO-nyń aǵa oqytýshysy Marııa Ormanova, oblystyq memlekettik arhıvtiń qujattardy paıdalaný jáne jarııalaý bóliminiń basshysy Janat Altynbaeva jáne jalpy bilim berý uıymdarynyń qazaq tili muǵalimderi qatysty.

Semınarda A.Baıtursynulynyń til tarıhyna qosqan úlesi, onyń latyn álipbıi negizindegi eńbekterin zertteý, latyn álipbıin nasıhattaý baǵytynda muǵalimderdiń shyǵarmashylyq izdenisteri men is-tájirıbesi tarazylandy. Sondaı-aq, mamandar latyn grafıkasyna negizdelgen jańa qazaq álipbıin jas urpaqqa úıretý men oqytýdyń tıimdi joldary jóninde oı bólisti. «Til - tarıh, taǵylym» kórmesine oblystyq arhıv muraǵattary jáne tarıhı-ólketaný mýzeı qorynyń muraǵattary qoıyldy.

Semınarda shyǵarmashylyq is-tájirıbesimen bólisken №170 orta mekteptiń muǵalimi Aınur Tileýqulovanyń «Bir maqsat, bir múdde» trenıngi ótkizildi. Al №266 mektep-lıtseı jáne № 204 orta mektep muǵalimderi Ǵalııa Ahmetova men Ǵazıza Orymbetova ıntellektýaldyq shoý uıymdastyrdy. Al №70 orta mektep muǵalimi Janat Sısenbaı «Latyn álipbıin úırenýdiń tıimdi joldary» taqyrybyndaǵy koýchıngi,№ 25 orta mekteptiń q muǵalimi Quralaı Nakeeva, №17 orta mektep muǵalimi Áıgerim Teńgebaevanyń «Latyn álipbıine kóshý: másele, pikir, usynys» taqyrybynda ótkizgen debaty joǵary deńgeıde baǵasyn aldy.

Semınar aıasynda túrli formatta uıymdastyrylǵan is-sharalar ózindik mazmundylyǵymen, shyǵarmashylyq turǵyda uıymdastyrylýymen erekshelendi. Latyn álipbıin jas urpaqqa keńinen nasıhattaýda kásibı iskerligi men pedagogıkalyq sheberlikterin tanytyp, óz is- tájirıbesimen bólisken shyǵarmashyl muǵalimder semınar sońynda oblystyq «Rýhanı jańǵyrý» ortalyǵynyń «Alǵys hattarymen» marapattaldy.

Budan buryn Qyzylordada stýdentter kóne Jankent qalashyǵyn zertteıtinin habarlaǵan edik.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT