+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Berdibek Saparbaev Qoǵamdyq keńes aldynda esep berdi

2019 jylǵy 16 maýsym 11:58
Bólisińiz:
Berdibek Saparbaev Qoǵamdyq keńes aldynda esep berdi

NUR-SULTAN. QazAqparat - QR Eńbek jáne halyqty áleýmettik qorǵaý mınıstri Berdibek Saparbaev vedomstvonyń 2018 jylǵy atqarylǵan jumys qorytyndylary týraly Qoǵamdyq keńes aldynda baıandama jasap, aldaǵy josparlarymen bólisti, dep habarlaıdy QazAqparat mınıstrliktiń saıtyna silteme jasap.

Eńbek mınıstrliginiń basshysy jańa áleýmettik sharalar - bul Elbasynyń dáıekti saıasatynyń nátıjesi jáne buryn júzege asyrylǵan sharalardyń qısyndy jalǵasy ekenin atap ótti.

«El Prezıdenti Qasym-Jomart Toqaevtyń tapsyrmasyna sáıkes halyqtyń jumysqa ornalastyrý jáne nátıjeli jumyspen qamtylýy men tabysyn arttyrýǵa baǵyttalǵan ádil áleýmettik saıasat jalǵasatyn bolady», - dedi B.Saparbaev.

Ol Elbasynyń «Áleýmettik qamqorlyq» jańa áleýmettik sharalarynyń iske asýy vedomstvo jumysyndaǵy birinshi jáne eń mańyzdy basymdyq ekenin atap ótti.

Engizilgen túzetýler eskerile otyryp, bıyl 1 sáýirden bastap 273 myń otbasyǵa ortasha mólsheri 105 myń teńgeni quraıtyn jalpy somasy 55 mlrd teńge AÁK tólendi.

Sonymen qatar, Elbasynyń tapsyrmasy sheńberinde jergilikti atqarýshy organdarmen birlesip, kómektiń 11 túrin qamtıtyn biryńǵaı qyzmetter paketi men áleýmettik qoldaý sharalary ázirlendi.

«Kópbalaly jáne az qamtylǵan otbasylardy turǵyn úımen qamtamasyz etý máselesin sheshý úshin óńirlerde jeke bastamalar esebinen áleýmettik jobalar, sondaı-aq kásipkerler tarapynan az qamtylǵan kópbalaly otbasylardy qoldaý jónindegi jobalar iske asyrylýda.

Múgedektigi bar adamdardy qoldaý júıesin jaqsartýǵa, sondaı-aq osy salany tsıfrlandyrýǵa asa mańyzdy mán beriledi», delingen habarlamada.

2018 jyly múgedektigi bar adamdardy áleýmettik qorǵaýǵa respýblıkalyq bıýdjetten 296,5 mlrd teńge kózdelgen. Bıyl 28 mamyrda 2025 jylǵa deıin Múgedekterdiń quqyqtaryn qamtamasyz etý jáne ómir súrý sapasyn jaqsartý jónindegi jańa ulttyq jospar qabyldandy. Bul josparǵa áleýmettik qorǵaý, bilim berý, densaýlyq saqtaý, áleýmettik qyzmetkerlerdiń biliktiligin arttyrý jáne t. b. sharalar kesheni kiredi.

Baıandama barysynda halyqtyń tabysyn arttyrý boıynsha atqarylǵan jumystardyń nátıjeleri atap ótildi.

«Tuńǵysh Prezıdenttiń qazan aıyndaǵy Joldaýyn júzege asyrý maqsatynda 2019 jyldyń basynan bastap eń tómengi jalaqy mólsheri 1,5 esege, ıaǵnı, 28 myńnan 42,5 myń teńgege deıin, al 2019 jyldyń 1 maýsymynan bastap bıýdjet salasynyń tabysy tómen qyzmetkerleriniń jalaqysy 30% - ǵa deıin ósedi. Densaýlyq saqtaý, bilim berý, áleýmettik qorǵaý, mádenıet, sport, aýyl sharýashylyǵy jáne basqa salalarda jumys isteıtin 1,1 mıllıonnan astam azamattyq qyzmetshiler osy aıda kóbeıtilgen jalaqy alady» - dep atap ótti B.Saparbaev.

2018 jyly jumyspen qamtýǵa járdemdesýdiń belsendi sharalarymen 628 myń adam qamtyldy. «Eńbek» baǵdarlamasy boıynsha barlyǵy 497 myń adam jumysqa ornalastyrylsa, onyń 379 myńy turaqty jumys oryndarymen qamtamasyz etildi.

2019 jyly áleýmettik-eńbek salasyn tsıfrlandyrý jumystary jalǵasatyn bolady. Búginde Eńbek mınıstrliginiń 38 memlekettik qyzmetiniń 13 - i elektrondyq formatta kórsetilip otyr. Jyl sońyna deıin taǵy 22 memlekettik qyzmet elektrondyq jáne proaktıvti formatta qoljetimdi bolady.

Jalpy alǵanda, memleket bıýdjetten tólenetin áleýmettik kómek pen járdemaqylardyń 39 túrine kepildik beredi. Máselen, 2018 jyly 3,8 mln adam (halyqtyń 20,9%) jalpy somasy 2,5 trln teńgeni quraıtyn járdemaqy alǵan bolsa, 800 myń adamǵa mindetti áleýmettik saqtandyrý júıesinen bólinetin 190 mlrd teńge tólendi.

2019 jyly áleýmettik qamsyzdandyrýǵa jáne áleýmettik kómekke bólinetin qarajat kólemi 379 mlrd.teńgege ósip, 2,9 trln. teńgeni qurady. Bul respýblıkalyq bıýdjet shyǵystarynyń 27%-na teń.

Baıandamany talqylaý barysynda Qoǵamdyq keńes músheleri kótergen birqatar ózekti máseleler men usynystarǵa tolyqqandy jaýap berildi. Kezdesý qortyndysy boıynsha Qoǵamdyq keńestiń músheleri vedomstvonyń ótken jylǵy jumysyna oń baǵa berip, Mınıstrliktiń bastamalaryn júzege asyrýǵa, sondaı-aq, reformalar men ózgeristerdi nasıhattaýǵa belsendi túrde qatysýǵa daıyn ekendikterin bildirdi.

Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT