Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.04 EUR 427.77
RUB 5.88 CNY 54.45
Jańalyqtar

Túrkistan oblysynyń dárigerlerine shıpajaıǵa 100 joldama berildi

2019 jylǵy 15 maýsym 20:32 988
Bólisińiz:
Túrkistan oblysynyń dárigerlerine shıpajaıǵa 100 joldama berildi

TÚRKІSTAN. QazAqparat - Túrkistan oblysynda Medıtsına qyzmetkerleri kúnine oraı saltanatty shara uıymdastyryldy. Saltanatty jıynǵa densaýlyq saqtaý salasynyń ardagerleri men medıtsınalyq qyzmetkerler qatysty,  dep habarlaıdy QazAqparat tilshisi. 

Aımaq basshysynyń orynbasary  Joldymurat Amanbaev medıtsına qyzmetkerlerin kásibı merekelerimen quttyqtap, eńbegimen daralanǵan mamandarǵa  «Oblysqa sińirgen eńbegi úshin» medalimen marapattady. Sondaı-aq, birqatar medıtsına qyzmetkerleri  Túrkistan oblysy ákiminiń Qurmet gramotasymen jáne alǵys hattarymen marapattaldy. Birneshe dárigerge «Qazaqstan Respýblıkasy densaýlyq saqtaý isiniń úzdigi» tósbelgisi men «Qazaqstan Respýblıkasy densaýlyq saqtaý isine qosqan úlesi úshin» tós belgileri tapsyryldy.

«Túrkistan oblysy ákiminiń atynan úzdik dárigerler, óz isiniń sheberleri shıpajaıǵa 100 joldama alady. 2018 jyldyń qorytyndysy boıynsha jáne 2019 jyldyń birinshi jartyjyldyǵyndaǵy halyq densaýlyǵynyń negizgi ındıkatorlary boıynsha Sizderdiń árqaısyńyzdyń jumystaryńyzdyń arqasynda Túrkistan oblysynda oń serpin baıqalady. Memleket qoldaýynyń arqasynda medıtsınalyq qyzmetterdiń sapasy men qoljetimdiligin arttyrý jónindegi jumys jalǵastyrylatyn bolady. Túrkistan oblysynda densaýlyq saqtaý salasyn úlken ózgerister kútip tur. Bul jańa, zamanaýı aýrýhanalar men emhanalardyń qurylysy, sondaı - aq medıtsınalyq mekemelerdiń zamanaýı materıaldyq - tehnıkalyq jaraqtandyrylýy», - dedi Túrkistan oblysy ákiminiń orynbasary Joldymurat Amanbaev.

Merekege oraı Túrkistan oblystyq Densaýlyq saqtaý basqarmasynyń basshysy Muqan Egizbaev medıtsınanyń eń laıyqty ókilderine memlekettik nagradalar, Densaýlyq saqtaý mınıstrliginiń medaldaryn, oblys ákiminiń gramotalaryn tabystady. Sonymen qatar, medıtsına qyzmetkerlerine noýtbýk tartý etildi. Baıqaý qorytyndysy boıynsha "Úzdik terapevt", "úzdik hırýrg", "Úzdik akýsher - gınekolog", "Úzdik pedıatr", "úzdik fýnktsıonaldyq dıagnostıka dárigeri", "Úzdik zerthanashy" jáne "Úzdik aýyldyq dáriger"marapattaldy. "Úzdik emhana" ataǵyna Túrkistan qalasynyń ortalyq emhanasy ıelendi, al Jyldyń úzdik aýrýhanasy bolyp Shardara aýdanynyń ortalyq aýrýhanasy atandy. Oblystyq qoǵamdyq densaýlyq saqtaý basqarmasynyń basshysy Muqan Egizbaev aımaqtyń densaýlyq saqtaý salasyn jetildirý úshin aıtarlyqtaı qarajat bólinetinin atap ótti.

«Memleket tarapynan erekshe nazar aýdarylyp keletin densaýlyq saqtaý salasyn bıyl materıaldyq-tehnıkalyq jaraqtandyrý jumystary kútip tur. Sondaı- aq, óńirdiń medıtsına qyzmetkerleriniń biliktiligin arttyrýǵa kúsh salamyz»,- dedi Muqan Egizbaev.

 

 

 

Bizdiń kanalymyzǵa jazylyńyz:

Basty sózder: Medıtsına, Túrkistan oblysy,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT