Qyzylorda oblysynda ólim-jitim 5,8% tómendedi

QYZYLORDA. QazAqparat - Qyzylorda oblysynda úzdik dárigerlerge baspana sertıfıkattary tabys etildi, dep habarlaıdy QazAqparat tilshisi.
Tuńǵysh Prezıdent - Elbasy Nursultan Nazarbaevtyń 2018 jylǵy 5 qazandaǵy Qazaqstan halqyna Joldaýynda medıtsınalyq qyzmet sapasy halyqtyń áleýmettik kóńil-kúıiniń asa mańyzdy komponenti bolyp sanalatyny atap kórsetilgen.
Qyzylorda qalasynda ótken medıtsına qyzmetkerleri kúnine arnalǵan saltanatty jıynda aımaqtyń osy saladaǵy joǵary tabystary tarazylandy.
«Densaýlyq saqtaý salasynyń qarjysy bir jyldyń ózinde oblys ákiminiń qoldaýymen 7,2%, sonyń ishinde materıaldyq-tehnıkalyq bazasyn arttyrýǵa bólingen qarjy 20,2% ósti. Oblystaǵy densaýlyq saqtaý uıymdaryn zamanaýı medıtsınalyq tehnıkamen jabdyqtaý 2018-2019 jyldardyń ózinde 34,9% artyp, qamtý 79,26% qurady», - dep atap ótti Qyzylorda oblysy ákiminiń orynbasary Rýslan Rústemov.
Aıta keteıik, sońǵy eki jylda 25 medıtsınalyq nysan paıdalanýǵa berildi, 17 nysannyń qurylysy júrgizilýde. Máselen, Aral, Qazaly aýdandyq aýrýhanalary jańadan salyndy. Búgingi kúni Shıeli, Jalaǵash aýdandyq ortalyq aýrýhanasy salynyp jatyr. 2016 jyly Baıqońyr qalasynda oblystyq medıtsına ortalyǵynyń fılıaly ashyldy. Aral, Qazaly, Qarmaqshy aýdandarynyń jáne Baıqońyr qalasynyń turǵyndaryna mamandandyrylǵan medıtsınalyq kómektiń qoljetimdiligin arttyrý maqsatynda teri koronarlyq aralasý ortalyǵy iske qosylýǵa daıyn.
Bıyl oblys turǵyndaryn tegin dári-dármekpen qamtamasyz etýge qarjylandyrý 2 esege artty, 8 sırek nozologııa boıynsha 80 patsıentti dári-dármekpen qamtamasyz etýge qarajat qarastyrylǵan. Qabyldanǵan sharalardyń nátıjesinde qyzylordalyqtardyń ómir súrý uzaqtyǵy 1,6 jylǵa artyp, ólim-jitim kórsetkishi 5,8 paıyzǵa tómendedi. Syrboıylyq dárigerler Reseıde, Koreıada jáne Eýropa elderinde biliktilikti arttyrý kýrsynan ótýde.
Oblys ákiminiń orynbasary R.Rústemov medıtsına qyzmetkerleri kúnine arnalǵan saltanatty jıynda óńirdiń úzdik 5 dárigerine turǵyn úı alýǵa 500 myń jáne 1 mln teńgelik sertıfıkattar tabystady.
Oblystyń úzdik dárigerleri qurmet gramotalarymen jáne alǵys hattarmen, sondaı-aq «Densaýlyq saqtaý salasyn damytýǵa qosqan úlesi úshin» jáne «Densaýlyq saqtaý isiniń úzdigi» tósbelgilerimen marapattaldy.
- Italııalyq hırýrg almatylyq qyzdyń tamaǵyna ota jasap, daýysyn qaıtardy
- Shymkenttik kópbalaly otbasylar men jastarǵa páterler beriledi
- Aral, Qazaly, Qarmaqshyda – kóktaıǵaq: kólik qozǵalysy toqtatyldy
- Qostanaılyq «103» qyzmetkerleri eki balany otqa oranǵan úıden alyp shyqty
-
Qostanaı oblysynda azyq-túlik baǵasyn turaqtandyrý qory quryldy
-
Rýdnyıda 50 otbasy baspanaly boldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam